Bi gazte mahaian

Wikipedia, Entziklopedia askea
Bi gazte mahaian
Velazquez-2homes.jpg
Jatorria
Sortzailea Diego Velázquez
Sorrera-urtea 1622
Ezaugarriak
Materiala(k) olio-pintura eta mihisea
Zabalera 65,3 zentimetro
Altuera 104 zentimetro
Genero artistikoa genero-artea
Egile-eskubideak jabetza publiko
Kokapena
Lekua Apsley House
Bilduma Apsley House
Inbentarioa WM.1593-1948

Bi gazte mahaian (gaztelaniaz: Dos jóvenes en la mesa) Diego Velázquezen gaztaroko margolana da, Sevillan egina 1618-1622 bitartean. Londresko Apsley Housen dago, Sevillako urketariarekin batera. Ziur aski, Iberiar Penintsulako Gerra ondoren Ingalaterrara eraman zituzten biak. Beste margolari espainiar batek, Antonio Palomino, Velazquezen lehenengo lanen artean natura hil batzuk aipatu zituen eta, agian, hau horietako bat izango litzateke zeren eta agertzen diren pertsonaiak ez baitira lanaren elementu deigarrienak.[1]

Historia[aldatu | aldatu iturburu kodea]

Margolan hau Karlos III.a Espainiakoak Ensenadako markesari erosi zion 1768ko abuztuaren 25ean. 1772an Madrilgo Errege Jauregian egin zen inbentarioan agertu zen. Lau urte geroago Antonio Ponz-ek leku berean ikusi zuen eta «Velázquez estilokoa» zela esan zuen. 1794ko eta 1814ko inbentarioetan lan hau ez zen agertu.

Arte kritikari askoren ustez lan hau 1616 eta 1618 artekoa izan zitekeen, hau da, margolariaren lan goiztierren artekoa. José López-Rey kritikariak, bestetik, Sevillako urketariarekin lotu zuen eta 1620ko ingurukoa zela esan zuen.

1637an Alcalá dukearen inbentarioan antzeko gaia zuen margolana deskribatu zen. Izan daiteke margolan bera edo, agian, kopia bat.

Ezaugarriak[aldatu | aldatu iturburu kodea]

Barroko espainiarrean genero-eszenak ez ziren ohikoak eta horrek lan hau bereizi egiten du. Margolan honetan eragin flamenko eta italiarra ikus daiteke. Bi protagonisten aurpegiak ia ezkutatuta agertzen dira eta horrek ondoan ikusten den natura hilari beste garrantzia ematen dio; natura hil hori, gainera, argiaz azpimarratuta agertzen da; orokorrena, XVII. mende hasieran modan zegoen tenebrismoaren gustuko argi-ilunak dira. Irudien errealismoa, bestetik, handia da.[2]

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]