Biri-belar

Biri-belar
	Irudi gehiago
Iraute egoera
	; Arrisku txikia (IUCN 3.1)
Sailkapen zientifikoa
Erreinua	Plantae
Ordena	Boraginales
Familia	Boraginaceae
Leinua	Boragineae
Generoa	Pulmonaria
Espeziea	Pulmonaria officinalis; L.

Biri-belarra edo biri-belar sendagarria (Pulmonaria officinalis) Borrajinazeoen familiako belar-landare baten izen arrunta da. Mendetan zehar hazi dute biriketako arazoak eta asma sendatzeko.^[1]

Deskribapena[aldatu | aldatu iturburu kodea]

Lur azpian horizontalki doan errizoma bat du. Udaberria hasterakoan zurtoinak ateratzen ditu bertatik, 10-30 cm inguru hartzen dutenak. Azpialdean hostoak garatzen dira erroseta itxuran. Zurtoinak eta hostoak ile txikiz estalirik daude^[2].

Zurtoinaren adarkadura bakoitzaren puntan loreak ateratzen dira. Arroxa-more kolorekoak dira eta irekitzen direnean kolore urdina hartzen dute. Sepaloek babesturiko tutuaren amaieran ateratzen dira bost petalo. Loraldia martxoa eta maiatza artean izaten du biri-belarrak.

Habitata[aldatu | aldatu iturburu kodea]

Europa erdialde eta mendebalde guztiak hedaturik dago, labar, aldapa eta baso ertzetak, beti ere hezetasuna baldin badago. Piriniotako mendietan altuera nahiko handian ere ikusten dira.

Erabilerak[aldatu | aldatu iturburu kodea]

Landarearen goiko atalak, goialdeko hostoak eta loreak, jaso eta lehortu egiten dira. Ondoren infusioa egiten da eztulari, bronkitisari, eztarriko minei eta afoniari aurre egiteko. Izerdia eragiten du eta antiinflamatorioa ere bada^[2].

Iruditegia[aldatu | aldatu iturburu kodea]

Biri-belarraren loreak.
Landarea.
Hostoen erroseta.

Erreferentziak[aldatu | aldatu iturburu kodea]

↑ Pignatti, S.. (1982). Flora d'Italia. II Edagricole, 407 or..
↑ ^a ^b (Gaztelaniaz) «PULMONARIA en Soria Natural» Soria Natural (Noiz kontsultatua: 2024-01-18).