Bizitza (plataforma)

Bizitza (plataforma)
Datuak
Mota	erakunde politikoa
Herrialdea	Euskal Herria
Ideologia	Txertoen eztabaida, Antisistema, Oinarrizko eskubideak, Erabakimen askea eta Plandemia
Historia
Sorrera	2021
Koloreak
	webgune ofiziala;

Bizitza Plataforma 2021ean Euskal Herrian hainbat elkartek sortutako osasun-askatasunaren aldeko antolakundea da, herri-administrazioek COVID-19 izurria zela-eta, hartutako neurri eta murrizketei buru egiteko. Plataforma Hegoaldeko 46 talde eta elkartek osatzen dute, herririk herri nahi arloka antolatuak;^[1] horretaz gain, Iparraldeko EZ PASS de liberté – NORA GOAZ? kolektiboarekin hurreko harremanak dauzka. Izurriteko askatasun-murrizketen aurka egoteaz gain, MOEa, edozein nahitaezko txertaketa eta 5Ga ezartzea arbuiatzen dute, besteak beste. 2021 eta 2022 urteetan kale-agerraldi jendetsuak antolatu zituzten Hegoaldeko hiriburuetan.^[2]^[3]^[4]^[5]

Bizitzak bere burua alderdi politiko nahi hautagaitza guztietatik bereizi du.^[6] Izan ere, Hegoalden 2023ko udal- eta foru-hauteskundeetara eta Nafarroa Garaiko hauteskundeetara eta 2024ko EAEko hauteskundeetara Bizitzako kide batzuek plataformaren aldarrikapen ugari jasotzen dituzten hautagaitzak eratu zituzten (Stop + Auzokrazia, Burujabetza – Demokrazia Zuzena, Eguzkilore eta Izan Auzokrazia).