Breaking the Silence

Breaking the Silence
Datuak
Mota	gobernuz kanpoko erakundea
Herrialdea	Israel
Agintea
Lehendakaria	Miki Kratsman (en)
Historia
Sorrera	2004
Sortzailea	Yehuda Shaul (en)
webgune ofiziala

Breaking The Silence (hebreeraz: שוברים שתיקה‎‎‎, Shovrim Shtika; euskaraz: «Isiltasuna apurtuz») Israelgo Gobernuz kanpoko erakundea (GKE) da. Herrialde hartako soldadu ohiek osatutako erakundea da, 2004an sortutakoa, eta ordutik haiek armadan edukitako bizipenak eta testigantzak biltzen dituzte, beti ere Zisjordanian, Gazako zerrendan eta Ekialdeko Jerusalemen gertatukoa Bigarren Intifadatik aurrera.

Mendebaldeko Jerusalemen kokaturik, GKE honek ahalbidetzen die aktiboan edo armadatik kanpo dagoen hainbat militarri okupatutako lurraldeetan euren esperientzia modu konfidentzialean kontatzeko. J.J. Goldberg kazetariak erakundea "The Jewish Daily Forward" egunkarian deskribatu zuen "soldadu ezkertiarren protesta-erakunde" moduan, Lawrence Swain idazleak ordea aniztasun demografikoa eta ideologikoa ikusten duen bitartean.

Hain zuzen ere, erakundearen helburua da soldaduen isiltasuna apurtzea bizitza zibilera itzultzen direnean, eta "lurralde okupatuetan bizitako errealitatea eta etxean topatutako isiltasunaren arteko tartea" deskubritzen dutenean. Horretarako "Soldiers Speak Out" 1.000tik gora testigantzen bilduma martxan ipini dute urte hauetan. Horrela, espero dute Israelgo gizartea errealitateaz konturaraztea eta abusuen egiaren aurrean ipintzea.

Benjamin Netanyahu lehen ministroak, beste agintari batzuen moduan, erakundearen aurka hitz egin du. Baina aldi berean beste agintari batzuk defendatu egin dute jardun bakezale hau hain zuzen ere Israelgo armadaren eta estatuaren alde.

Ikus, gainera

• Israel-Palestina Gatazka
• Women Wage Peace

Kanpo estekak

• (Ingelesez)(Hebreeraz)GKEaren webgunea.

• Datuak: Q1514756
• Multimedia: Breaking the Silence / Q1514756