Breskens

Wikipedia, Entziklopedia askea
Jump to navigation Jump to search

Breskens

Breskens - Jachthaven 2.jpg
Kirol portuaren ikuspegia.
Estatua
Probintzia
Udalerria
Herbehereak
Zeelanda
Sluis
Breskens hemen kokatua: Herbehereak
Breskens
Breskens
Auzoaren kokapena Herbehereetan.
Koordenatuak: 51° 23′ 42″ N, 03° 33′ 25″ E / 51.39500°N,3.55694°E / 51.39500; 3.55694Koordenatuak: 51° 23′ 42″ N, 03° 33′ 25″ E / 51.39500°N,3.55694°E / 51.39500; 3.55694
Garaiera -2 m
Biztanleria 4.787 (2010)
Breskens herriko itsasargia.

Breskens, Sluis udalerria osatzen duten herrietako bat da. Udalerriaren ipar-mendebaldean dago Westerschelde ibaiaren ondoan. Urtero milaka turistek bisitatzen dute, gehienak Herbehereak eta Alemaniatik etorriak. 2010eko urte hasierako erroldaren arabera, herriak 4.787 biztanle zituen.

Herria 1510ean sortu zen[1], eta 1970era arte udalerri independentea izan zen. Urte hartan Oostburgek anexionatu zuen (gaur egun Sluisko herririk handiena denak), eta azkenik 2003an Oostburg eta Sluis batu ziren.

Inguru naturala eta kokapena[aldatu | aldatu iturburu kodea]

Breskens herri txikia izan arren, Sluis udalerriko herririk handienetakoa da (ia 5.000 biztanle ditu). Herbehereetako herrien ezaugarriak ditu, solairu bat edo biko etxebizitza eraikinak, atzealdean lorategiarekin, kale zabalak eta bidegorriak.

Herri turistikoa denez, bi zati banatzen dira. Herriaren mendebaldean, udarako etxeak, kanping-ak eta aisialdirako guneak dauden bitartean, ekialde osoan, portua eta herriaren erdigunea kokatzen dira.

Historia[aldatu | aldatu iturburu kodea]

1944an Bigarren Mundu Gerran ejerzito aliatuak gogor bonbardatu zuen herria, Alemaniak Vlissingenera atzera egitea eragozteko eta aliatuek Antwerpengo portua erabili ahal izateko estrategia jarraituz. Bonbardaketan herri gehiena suntsituta geratu zen eta 183 pertsona hil ziren.

Gaur egungo Breskens, gerra ondoren eraikitako etxe eta eraikinek osatzen dute. Arrantza portu garrantzitsua izan zen gerra osteko urteetan, baina 1980ko hamarkadako krisialdiaren ondoren, herrian turismoarekin zerikusia duten enpresak sortu dira, hotelak, kirol-portua eta abar.

Ekonomia[aldatu | aldatu iturburu kodea]

Historikoki arrantza eta nekazaritza izan dira herriko iharduera ekonomiko nagusiak, baina XX. mendean gauzak aldatu egin ziren. Vlissingen eta Terneuzengo portuen garatzea, eta Antwerpengo portutik hain hurbil egoteak, industria garatu dute herrian.

Westerschelde ibaiaren ondoan itsasontzi txikiek altzairu produktuak garraiatzeko erabiltzen duten portua eraiki da. Horrez gain, herriaren ekialdean, Terneuzenera doan errepidearen ondoan, Deltahoek izeneko industrialdea dago.

Deltahoek[aldatu | aldatu iturburu kodea]

Breskens eta Terneuzen arteko errepidearen ondoan kokatua, Deltahoek herriko industrialde nagusia da, bertan itsasontzi konponketa eta garraio enpresa desberdinak daude. Etorkizunean industrialdea hego-ekialderantz handitzea aurrikusi da.

Garraiobideak[aldatu | aldatu iturburu kodea]

Artikulu nagusia: «Breskens-Vlissingen ferrya»

2003an jarri zuen martxan Veolia enpresa frantziarrak eta Zeelandako bi herri horiek batzen ditu. Aurretik bi herriak batzen zituen ferry zerbitzuak autoak garraiatzen zituen arren 2003an bidesaridun Westerschelde tunela zabaldu zenetik, tunela erabili behar dute autoek.

Ferryak, joaneko, joan-etorriko, asteko, hilabeteko edo urteroko bidaitxartelak eskaintzen ditu, ikasle eta bizikleta erabiltzaileei prezio bereziak eskainiz.

Kale garrantzitsuenak[aldatu | aldatu iturburu kodea]

  • Dorpstraat
  • Grote Kade

Ikustekoak[aldatu | aldatu iturburu kodea]

Erreferentziak[aldatu | aldatu iturburu kodea]

  1. http://www.ziezeeland.nl/nieuws/kortbondig/?id=1994

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Breskens Aldatu lotura Wikidatan