Bresse
Bresse Frantziako eskualde naturala eta antzinako probintzia da Auvernia-Rodano-Alpeak eta Borgoina-Franche-Comte eskualdeen lurrak hartzen dituena. Bertakoak bressetarrak dira. Bourg-en-Bresse da hiriburu historiakoa.
Geografia
[aldatu | aldatu iturburu kodea]Bressek 4.000 km2 inguruko hedadura du. Mendebaldean Saona ibaiak markatzen du muga eta iparraldean Doubs ibaia. Ekialdean Jurako lehen muinek mugatzen dute eta hegoaldean Dombes eskualdearekin egiten du muga.
Historia
[aldatu | aldatu iturburu kodea]Erdi Aroan Bresse Bage-ko jaunen esku egon zen 1272an, oinordekotza bat medio, Saboiako etxearen eskura pasatu zen arte[1].
1601eko urtarrilaren 17an Saboiako Karlos Emanuel I.ak eta Frantziako eta Nafarroako errege Henrikek Lyongo tratatua sinatu zuten eta horren kontura Bresse, Bugey, Gexerria eta Valrommey Frantziako koroaren eskura pasa ziren eta Saluzzoko markeserria Saboiako etxearen eskura.
Ekonomia
[aldatu | aldatu iturburu kodea]Industria- eta nekazaritza-jarduerak dira Bresseko ekonomiaren oinarriak, sektore honetakoak hain justu: industria agroalimentarioa, metalurgia, karrozeria, mekanika, garraioa eta osasuna.
Hegazti-hazkuntzak pisu handia du Bresseko ekonomian, 330 bat produktorek eta 1.200.000 hegazti urteko produkzioak adierazten duten bezala.
Lignito-meategiak ere badira.
Hizkuntza
[aldatu | aldatu iturburu kodea]Saboiako etxearen lurralde askotan bezala Bresseko hizkuntza nagusia frankoprobentzera izan da XX. mendearen erdi arte, 1970ko hamarkada arte hain justu[2]. Harez gero, ordezkatze-prozesua gertatu da, hizkuntzaren transmisioa eten delako eta belaunaldi gazteenen artean oso gutxi dira hiztunak[3]. Hortaz, frantsesa da eskualdeko ohiko hizkuntza.
Kanpo estekak
[aldatu | aldatu iturburu kodea]https://www.ecomuseebresse.fr/
Erreferentziak
[aldatu | aldatu iturburu kodea]- ↑ Kersuzan, Alain. (2005). Défendre la Bresse et le Bugey: les châteaux savoyards dans la guerre contre le Dauphiné, 1282-1355. Presses universitaires de Lyon ISBN 272970762X. (kontsulta data: 2023-11-11).
- ↑ Taverdet,, Gérard. (1970). La carte linguistique de Saône-et-Loire. Images de Saône-et-Loire » n° 7 (décembre), 14-15 or..
- ↑ Héran, François; Filhon, Alexandra; & Deprez,, Christine. (2002). «Language transmission in France in the course of the 20th century.» Population & Sociétés. No. 376, February 2002. (Paris: INED-Institut national d’études démographiques.) ISSN 0184-7783..
