Cars (filma)

Cars (filma)
Jatorria
Sortzailea(k)	John Lasseter
Argitaratze-data	2006
Izenburua	Cars
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	film komikoa, Buddy filma eta flashback film (en)
Iraupena	116 minutu
Kolorea	koloretakoa
Telesaila	list of Pixar films (en) eta Cars (en)
Zuzendaritza eta gidoia
Zuzendaria(k)	John Lasseter; Joe Ranft
Gidoigilea(k)	Dan Fogelman; Joe Ranft; John Lasseter; Kiel Murray (en) ; Phil Lorin (en) ; Jørgen Klubien
Antzezlea(k)
	baliorik ez
Ekoizpena
Ekoizlea	Darla K. Anderson (en)
Konpainia ekoizlea	Pixar; Walt Disney Pictures; Disneytoon Studios (en)
Edizioa	Ken Schretzmann
Bestelako lanak
Musikagilea	Randy Newman
Langileak	[[Brian Fee (en) ]]
Fikzioa
Kontakizunaren tokia	Arizona, Kalifornia eta Radiator Springs (en)
	ikusi Lightning McQueen (en) , Chick Hicks (en) , Strip Weathers (en) , Mack (en) , Mater (en) , Sally Carrera (en) eta Doc Hudson (en) ;
Fikzio-unibertsoa	Cars universe (en)
Argumentu nagusia	automobila
Historia
Gertaera nabarmenak	2006ko maiatzaren 26a; estreinaldi — Charlotte Motor Speedway (en)
Nominazioak	Marrazki bizidunetako film onenaren Oscar Saria ; 79. Oscar Sariak ; John Lasseter
	pixar.com…
kronologia

Cars 2006an estreinatu zen animaziozko film luzea da. Pixar Animation Studios-ek ekoiztu zuen eta Walt Animazio Etxeak banatu zuen. Pelikulak izan zuen harrera ikusita, hurrengo urteetan Cars 2 eta Cars 3 pelikulak ekoiztu ziren. John Lasseter-ek zuzendu zuen filma, animazio munduan ezaguna den zuzendaria Toy Story eta A Bug's Life produkzioei esker. Pelikula automobilez beteriko mundu batean kokatzen da, Amerikako Estatu Batuetako ekialdeko errepideak zeharkatzen duena. Gaztelerazko bertsioan motorraren munduko pertsona famatuek bikoiztu zuten, Fernando Alonso eta Antonio Lobato bezala.

Oscar sarietan bi izendapen jaso zituen: Animaziozko luzemetraia onena eta abesti originala. BAFTA sarietan Animaziozko luzemetraia onenaren kategorian ere izendapena lortu zuen.

Sinopsia

Oharra: Atal honek istorio osoa edo amaiera argitzen du.

Lightning McQueen, lasterketa kotxe hasiberri eta sutsua Radiator Springs izeneko herri huts batean galtzen da, 66. errepidean, Kalifornian ospatzen den Piston Kopara bidean doala bi beteranoen aurka lehiatzeko. Herri horretan ezagutzen dituen lagunei esker (Sally, Doc Hudson eta Mater, besteak beste) McQueen konturatuko da garaipenak eta ospeaz haratago badaudela gauza garrantzitsuagoak ^[1].

Ekoizpena

Pixar Animation Studios-ek ekoiztutako film hau ordenagailu bidezko grafikoekin egindakoa da. Kotxeen eta lokalizazioen erreferentziak hartu eta gero, artista grafikoek 3 dimentsioko ereduak egin zituzten, animazio bidezko film gehienetan bezala. Pixar-en nahia, Scott Clark animazioa begiralearen esanetan, “edozer gauzak arima izatea” da. Hasierako 3D ereduak ez ziren taldearen gogokoak izan, hauen marrazki bizidunen antza zela eta. Besorik ezta gorputzik ere zuten pertsonaia batzuei nola erantsi keinuak eta emozioak izan zen errodaiaren gakoetako bat; erantzuna aurpegien inguruan kokatzen da, automobilen aurpegiek pisu handia baitaukate filman ^[2].

Pertsonaiak

Pertsonaia nagusiak hurrengoak dira:

Lightning McQueen: Kolore gorriko lasterketa kotxea. Bere helburua Piston Kopa irabaztea da. Radiator Springs izeneko herri txiki batean galtzen da eta hor bere izaera aldatuko duten beste kotxe batzuk ezagutuko ditu.
Sally: Radiator Springs-eko fiskala da. Nahi izan gabe heldu zen herrira, baina denborak aurrera egin ahala herriaz maitemindu da.
Mate: Garabi-auto herdoildua. Hasieran Lightning McQueen zaintzeaz arduratuko da, baina geroago bere lagun-mina bihurtuko da. Traktoreak molestatzea gustuko du.
Doc Hudson: Piston Kopa hiru bider irabazi duen auto mitikoa. Matxurek bere ibilbide profesionala eten zuten. Orain, Radiator Springs-en, Rayo McQueen-en mentorea izango da, Piston Kopa irabazteaz haratago badaudela beste gauza garrantzitsuagoak irakatsiz.

Erantzuna

Estreinaldiko lehengo astean, 60 milioi dolar eskuratu zituen Amerikako Estatu Batuetako 3985 zinemetan ^[3]. Hori dela eta, zinema jaialdietan hainbat sari eta izendapen jaso zituen. Oscar sarietan bi izendapen jaso zituen: Animaziozko luzemetraia onena eta abesti originala. BAFTA sarietan Animaziozko luzemetraia onenaren kategorian ere izendapena lortu zuen. Urrezko Globo Sarietan Animaziozko luzemetraia onenaren saria eskuratu zuen. Horretaz gain ^[4]:

2008an Annie Sarietan: Pelikula onena eta musika onena. 9 izendapen.

2006an National Board of Review (NBR): Animaziozko luzemetraia onenaren saria.

2006an Critics' Choice Awards: Animaziozko luzemetraia onenaren saria. 2 izendapen.

2006an Produktoreen Sindikatua: Animaziozko Pelikula Onena.

Erreferentziak

↑ (Gaztelaniaz) «Cars, sinopsis de la película» LaHiguera.net (Noiz kontsultatua: 2019-03-05).
↑ Disney•Pixar. (2016-10-19). Animation and Acting | Cars | Disney•Pixar. (Noiz kontsultatua: 2019-03-05).
↑ «Weekend Box Office Results for June 9-11, 2006 - Box Office Mojo» www.boxofficemojo.com (Noiz kontsultatua: 2019-03-05).
↑ (Gaztelaniaz) Cars (2006). (Noiz kontsultatua: 2019-03-05).

Ikus, gainera

Pixar Animation Studios

Kanpo estekak

Pixar-en ingelesezko web orria

Datuak: Q182153
Multimedia: Cars (film) / Q182153

[1] (Gaztelaniaz) «Cars, sinopsis de la película» LaHiguera.net (Noiz kontsultatua: 2019-03-05).

[2] Disney•Pixar. (2016-10-19). Animation and Acting | Cars | Disney•Pixar. (Noiz kontsultatua: 2019-03-05).

[3] «Weekend Box Office Results for June 9-11, 2006 - Box Office Mojo» www.boxofficemojo.com (Noiz kontsultatua: 2019-03-05).

[4] (Gaztelaniaz) Cars (2006). (Noiz kontsultatua: 2019-03-05).

[1]

[2]

[3]

[4]