Filadelfiako Nazioarteko Erakusketa (1876)
| Filadelfiako Nazioarteko Erakusketa (1876) | |
|---|---|
 | |
| Kokapena | |
| Estatu burujabe |  Ameriketako Estatu Batuak |
| Estatua |  Pennsylvania |
| County of Pennsylvania | Philadelphia konderria |
| Pennsylvaniako hiria | Filadelfia |
| Koordenatuak | 39°58′46″N 75°12′33″W / 39.9794°N 75.2092°W |
 | |
| Historia eta erabilera | |
| Irekiera | 1876ko maiatzaren 10a |
1876ko Filadelfiako Nazioarteko Erakusketa edo Centennial Exposition Ameriketako Estatu Batuetako Filadelfia hirian egin zen nazioarteko erakusketa izan zen. Erakusketa honekin Ameriketako Estatu Batuetako Independentzia Aldarrikapenaren ehun urte ospatu nahi izan ziren. Irekiera maiatzaren 10ean izan zen, azaroaren 10ean ixteko.[1] Europatik kanpo egin zen lehen erakusketa handia izan zen Filadelfiakoa.[2]
Ezaugarriak
[aldatu | aldatu iturburu kodea]Erakusketa horretan 35 herrialdek hartu zuten parte. Erakusketak 115 hektarea bete zuen eta, guztira, 10.000.000 bisitari izan zituen; beraz, arrakasta erabatekoa izan zen. Erakusketaren kostea 5.907.706 eurotan kalkulatu da. Erakusketa honetan zenbait aparatu berriak ezagutzera eman ziren: telefonoa, idazteko makina, josteko makina, Thonet aulkia...
Memorial Hall
[aldatu | aldatu iturburu kodea]Erakusketaren eraikin nagusia Memorial Hall izan zen. 1875-76 bitartean eraiki zen eta 1881ean desmuntatu eta saldu egin zen. Garai hartan munduko eraikinik handiena izan zen. Mendeurreneko Batzordeak Henry Pettit arkitektoa eta Joseph M. Wilson ingeniaria aukeratu zituen bere diseinu eta eraikuntzarako. Eraikina lau aldeetan atariez inguratuta zegoen. Eraikinaren ekialdeko sarrera bagoientzako sarbide gisa erabiltzen zen eta eraikinaren hegoaldeko sarrera tranbientzako eraikinaren sarrera nagusi gisa. Iparraldeak eraikin nagusia arte galeriarekin lotzen zuen eta mendebaldeak makineria eta nekazaritza erakusteko balio zuen. Eraikinaren fatxada Bess of Hardwicken Hardwick Halleko jauregi ingelesean inspiratuta dago.[3]
Eraikinaren barruan, erakusketak sareta batean antolatu ziren. Estatu Batuetako Erakusketak eraikinaren erdian jarri ziren, eta atzerriko erakusketak zentroaren inguruan antolatu ziren. Eraikin nagusiaren barruko erakusketak meatzaritza, metalurgia, manufaktura, hezkuntza eta zientzia landu zituzten. Atzerriko komisarioen bulegoak eraikinaren alboetan jarri ziren, alboko pasabideetan, erakutsitako produktuen inguruan.
Euskal saritua
[aldatu | aldatu iturburu kodea]Eibarko Plazido Zuloagak aurkeztu zituen burnizko objektuei esker sari bat jaso zuen; objektu horietan damaskinatu teknika erabili zituen, urrezko eta zilarrezko inkrustazioekin.[4]
Erreferentziak
[aldatu | aldatu iturburu kodea]- ↑ Gross, Linda P.; Snyder, Theresa R. (2005). Philadelphia's 1876 Centennial Exhibition. Arcadia Publishing. ISBN 0-7385-3888-4.
- ↑ https://helvia.uco.es/xmlui/bitstream/handle/10396/13104/ambitos20_08.pdf?sequence=1&isAllowed=y
- ↑ Moisset, Inés (2016). «Bess de Hardwick c. 1527-1608». Un día | una arquitecta 2.[1]
- ↑ https://web.archive.org/web/20211107100922/https://webs.ucm.es/info/gma/filadelfia1876.html
Kanpo estekak
[aldatu | aldatu iturburu kodea]- (Frantsesez)(Ingelesez):Bureau International des Expositions webgunea.
- (Ingelesez):J. S. Ingram: Centennial Exposition Described and Illustrated, Hubbard Bros, Philadelphia, 1876
Datuak: Q984109
Multimedia: Centennial Exposition / Q984109