Chrysopoeia

Alkimian, chrysopoeia (antzinako grezieratik, χρυσοποιία, khrusopoiia, "urrea egitea") urrea artifizialki produzitzeko prozesua da, normalki berunaren alegiazko transmutazioaren ondorioz. Lotutako termino bat argyropoeia da, (ἀργυροποιία, arguropoiia, "zilarra egitea"), zilarraren produkzio artifizialari lotuta, kasu honetan kobrearen transmutazioaren ondorioz. Alkimistek helburu asko bazituzten ere, urrea eta zilarra izatea izan da alkimiaren helburu nagusia historian zehar, Zosimo Panopoliskoatik hasita, VI. mendean, Robert Boylerengaino (1627–1691)^[1].

Izena alkimiari lotutako lan batean agertzen da, Kleopatraren Chrysopoeia, Kleopatra Alkimistari egotzitako lana, ziurrenik kristautasunaren lehenengo mendeetan idatzitako liburua, baina orrialde bakarrarengatik ezagutzen dena Veneziako Biblioteca Marcianako X-XII. mendeko eskuizkribu batean^[2]. Dokumentuak ouroboros bat du, "guztia bat da" leloarekin (ἕν τὸ πᾶν, hen to pān), Hermetismoarekin lotutako kontzeptu bat. Eztebe Alexandriakoak De Chrysopoeia liburua ere idatzi zuen, eta Giovanni Augurelloren 1515ko poema baten izenburua da^[3].