Connolly zutabea

Connolly zutabea
Mota	Unitate militar
Sorrera	1936
Deuseztatzea	1938ko iraila
Unitate nagusia	Abraham Lincoln Batailoia eta Abraham Lincoln Brigade (en)

Connolly zutabea (ingelesez Connolly Column eta irlanderaz Colún Uí Chonghaile) Espainiako Gerra Zibilean Bigarren Errepublikaren alde eta Nazioarteko Brigaden barnean borrokatu zen irlandar unitatea izan zen. Izena James Connolly iraultzailearen omenez zeraman, 1916ko Pazko matxinadako buruzagi eta martirietako bat.

Unitate honetako burua Frank Ryan ezkertiarra izan zen. 150 gizon inguruz osatua zegoen eta nagusiki Madrilgo guduan, Jaramako guduan (honetan hildako ugari izanez) eta Ebroko guduan parte hartu zuen. Ryan zauritua izan ondoren bere herrialdera osatzera joan eta berriz ere Espainiara borrokatzera itzuli zen, Aragoiko frontean frankistek atzeman eta Miranda Ebroko kontzentrazio-esparruan preso sartu zuten, heriotz-zigorra jasoz. Halere, Irlandako Estatu Askeko Eamon de Valera estatuburuaren bitartekaritzari esker heriotz zigorra hogeitamar urteko espetxe zigorrera aldatu zioten.

1938an unitatean bizirik jarraitzen zuten gizonak Irlandara itzuli ziren.

Erreferentziak[aldatu | aldatu iturburu kodea]

Connolly zutabearen webgune ofiziala, (Ingelesez)
. Article de Emmet O'Connor en el Journal of the Waterford Archaeological & Historical Society, vol. 61 de 2005. (Ingelesez)