Cupido minimus

Cupido minimus
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Lycaenidae
Leinua	Polyommatini
Generoa	Cupido
Espeziea	Cupido minimus Füssli, 1775
Datu orokorrak
Ostalaria	Anthyllis vulneraria

Cupido minimus Lycaenidae familiako tximeleta espezie bat da. Hainbat tokitan tximeleta "urdin txikia" esaten bazaio ere ez da berez urdina. Europan eta Asia iparraldean aurkitzen da, Siberian eta Mongolian.

Johann Kaspar Füssli entomologoak deskribatu zuen 1775. urtean.

Deskribapena

Tximeleta txikia da, hegal zabalera 16-27 mm-koa baino ez da. Tximeleta marroia bada ere arrek ezkata urdin batzuk dituzte eta dizdira urdina egiten dute, benetako kolorea ezkutatuz. hegalen ertzak zuriak dira. Sexu dimosfismoa kolorean bakarrik ez dute, izan ere emeak arrak baino handiagoak baitira.

Hegalen azpialdea zilar kolorekoa da eta eraztun zuriko puntu beltz solteak agertzen ditu.

Bizi zikloa

Arrak oso lurraldekoiak izaten dira eta haien lurraldetan sartzen diren emeak gorteiatzen dituzte. Bikotea duen emeak gainerako arrak uxatu egingo ditu. Kopularen ondoren emeak arrautzak jarriko ditu landare osasuntsu batean. Beste tximeleta batzuek landare berean arrautzak jar ez ditzaten abdomena igurtzi egingo du haren usaina bertan uzteko.

Arrautzetatik beldarrak jaioko dira. Beldar hauek kanibalak dira eta gainerako arrautza eta beldarrak jango dituzte. Beldarrak urdin argiak dira, ia zuriak, eta heldu ahala oso iletsuak bihurtzen dira. Ondoren pupatu eta udan tximeleta helduak agertzen dira.

Habitata

Kareharrizko lurzoruetako belardietan bizi dira, basoen irekigunetan eta bertan behera utzitako harrobietan.

Iruditegia

• 
  Emea eta arra.
• 
  Arra eta emea elkarturik.
• 
  Hegalen azpialdea.
• 
  Arrautzak.
• 
  Beldarra.

Kanpo estekak

• Datuak: Q243913
• Multimedia: Cupido minimus / Q243913
• Espezieak: Cupido minimus