Disbiosi

Wikipedia, Entziklopedia askea
Ohar medikoa
Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Disbiosia edo disbakteriosia giza gorputzeko mikrobiotaren desoreka da, gehienbat larruazala edo heste-florarena. Jakina denez, gure organismoko hainbat ataletan mikrobio sinbiotiko asko ditugu (larruazalean, ahoan eta sudurrean, hesteetan, baginan...). Mikrobio horiek ez dira patogenoak, lagunak baizik. Onura ugari dakarzkigute: mikrobio patogenoen sarrera oztopatzen dute, immunitate-sistema bizkortzen dute, bitaminak ekoizten dituzte, etab. Heste-floraren bakterioek, bereziki, zeregin oso garrantzitsua betetzen dute gure osasun egoera orokorrean, eta ikerketa berriek haien aldaketek asaldura gastro-intestinalak ez ezik, beste gaitz organiko batzuk ere eragin ditzaketeela agerian jarri dute [1] [2].

Heste-disbiosi dagoenean hesteetako bakterioen kopurua jaitsi eta bakterio horien aniztasuna ere murriztu egiten da [3].

Disbiosiaren jatorrian eragile ugari egon daitezke: antibiotikoen gehiegizko kontsumoa, dieta desegokia, alkohola, estresa, etab. [4] [5].

Disbiosiaren inguruko ikerketak oso berriak dira, XXI. mendearen hasierakoak. Honenbestez, herrialde gehienetan asaldura hori oraindik ez da benetako gaitzatzat jotzen (GNS-10 zerrendan ez da agertzen). Hala ere, herrialde batzuetako osasun-agintariek aintzakotzat hartu dute dagoeneko, eta AEB-etako Medikuntzako Liburutegi Nazionalaren 2014ko hitz berrien zerrendan Dysbiosis izena agertzen da [6].

Erreferentziak[aldatu | aldatu iturburu kodea]

  1. En quoi l'Équilibre de notre flore intestinale influe sur notre santé, page 6/10
  2. National Library of Medicine - Medical Subject Headings
  3. La disbiosis intestinal
  4. Hawrelak, Jason A.; Myers, Stephen P. (2004)The causes of intestinal dysbiosis: a review Alternative medicine review. 9 (2): 180–97.
  5. Chan, Yee Kwan; Estaki, Mehrbod; Gibson, Deanna L. (2013). "Clinical consequences of diet-induced dysbiosis". Ann. Nutr. Metab. 63 (suppl2): 28–40
  6. New Descriptors - 2014

Kanpo estekak[aldatu | aldatu iturburu kodea]