Edna O'Brien

Edna O'Brien
	; Irudi gehiago
Booker Prize judge (en)	;
Booker Prize judge (en)
Bizitza
Jaiotza	Tuamgraney, 1930eko abenduaren 15a (93 urte)
Herrialdea	Irlandako Errepublika
Familia
Ezkontidea(k)	Ernest Gébler (en) (1954 - 1968)
Seme-alabak	ikusi Carlo Gébler (en) ;
Hezkuntza
Hizkuntzak	ingelesa
Jarduerak
Jarduerak	poeta, ipuingilea, biografoa eta gidoilaria
Enplegatzailea(k)	University College Dublin
Lan nabarmenak	ikusi The Country Girls (en) ; Casualties of Peace (en) ;
Jasotako sariak	ikusi Irish PEN Award ; Fellow of the Royal Society of Literature ;
Kidetza	Aosdána (en) ; Errege Literatura Elkartea

Edna O'Brien (Tuamgraney, Clareko konderria, 1930eko abenduaren 15a) irlandar eleberrigilea da.

Farmaziako ikasketak egin zituen, eta farmazialari gisa lan egin zuen hasieran. 1960an argitaratu zuen lehenengo eleberria: The Country Girls, trilogia bateko lehenengoa. Trilogia osatu zuten beste bi liburuak Girl with Green Eyes (1962) eta Girls in Their Married Bliss (1964) dira. Eleberri horietan esperientzia berriak eta bizitzaren gozo-mikatzak probatzera ausartzen diren emakumeen gorabeherak kontatzen dira. Lan horien ondoren ere, Edna O'Brienek emakumeen barne-gatazkez eta gizon eta emakumeen arteko hartu-emanez eta arazoez idazten jarraitu zuen. Lan horien artean aipagarrienetako bat Night (1972) da, insomnioak jota dagoen emakume baten gau bateko bakarrizketa.

Bestalde, ipuin bilduma batzuk ere idatzi ditu, hala nola Mrs Reinhardt and Other Stories (1978), Returning (1982) eta Lantern Slides (1990). Beste lan batzuk: Time and Tide (1992), House of Splendid Isolation (1994), Down by the River (1996), Wild Decembers (1999), In the Forest (2002), The Light of Evening (2006), Byron (2009).

Euskaraz[aldatu | aldatu iturburu kodea]

Landa aldeko neskak (The Country Girls), 1960an argiratatua, (2022an Gema Lopez Las Herasek itzulia). Erein eta Igela. ISBN 978-84-91096-79-5.^[1]

Ikus, gainera[aldatu | aldatu iturburu kodea]

Irlandako literatura

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ «Bere garaian sutan erretako Edna O’Brien-en nobela, orain euskaraz irakurgai» Argia (Noiz kontsultatua: 2022-02-04).

Datuak: Q178225
Multimedia: Edna O'Brien / Q178225

[1] «Bere garaian sutan erretako Edna O’Brien-en nobela, orain euskaraz irakurgai» Argia (Noiz kontsultatua: 2022-02-04).

[1]