Elros

Wikipedia, Entziklopedia askea
Jump to navigation Jump to search

Elros (elfoeraz, Izarren ihintza), Tolkienen legendariumean agertzen den fikziozko pertsonaia bat da, Silmarillion lanean bereziki. Peredhil edo erdi elfo bat da, baita Numenorreko lehen erregea ere. Tar-Minyatur izenarekin gobernatu zuen.

Elronden anaia bikia zen. Biak, Iluvatarren semeen elkartzetik jaio ziren (elfoak eta gizakiak), euren aita Eärendil baitzen, Tuor eta Idril Zelebrindalen semea, eta, ama, Elwing ederra, Beren eta Luthienen seme zen Dior Eluchilen alaba. Hortaz, elfo eta gizakien odola zeraman, eta, horregatik, Melkorren aurkako gerra eta Ardako Eguzkiaren Lehen Aroa amaitu zirenean, Valarrek, bi herrietako zeinetakoak izan nahi zuten aukeratzera eman zieten.

Elrondek, elfo izatea aukeratu zuen, eta, eurekin, bizitza hilezkorra banatzea, baina Elrosek, gizaki izatea erabaki zuen eta Edainak Elenna edo Numenorrerantz gidatu zituen. Dunedainen lehen errege izendatua izan zen (Tar-Minyatur izenak, quenyaz "Lehena eta gorengoa" esan nahi du). Urte gehien bizi izan zen Numenorreko erregea izan zen, 500 urte bizi izan zelarik. Bere ondorengoek, Gondor eta Arnor giza erresumak gobernatuko zituzten.


Aurrekoa
Inor ez. Lehen erregea
Elrosen etxea. Numenorreko erregea
Eguzkiaren Bigarren Aroko 32-442
Ondorengoa
Vardamir
Wikimedia Commonsen badira fitxategi gehiago, gai hau dutenak: Elros