Bakili Muluzi

Bakili Muluzi
	; Irudi gehiago
Malawiko presidente	; 1994ko maiatzaren 21a - 2004ko maiatzaren 24a ; ← Hastings Banda - Bingu wa Mutharika →
Malawiko presidente
Bizitza
Jaiotza	Machinga District (en) , 1943ko martxoaren 17a (81 urte)
Herrialdea	Malawi
Familia
Ezkontidea(k)	Annie Chidzira Muluzi (en) 1999ko martxoaren 15a); Patricia Shanil Muluzi (en) (1988 -
Seme-alabak	ikusi Austin Muluzi (en) ;
Hezkuntza
Heziketa	Boston College (en)
Jarduerak
Jarduerak	politikaria eta enpresaburua
Jasotako sariak	ikusi Order of the Lion ;
Sinesmenak eta ideologia
Erlijioa	islama
Alderdi politikoa	United Democratic Front (en)

Elson Bakili Muluzi (Machinga, 1943ko martxoaren 17a) malawiar politikaria eta enpresa-gizona da. Malawiko Errepublikako presidentea izan zen 1994–2004 bitartean.

Bizitza[aldatu | aldatu iturburu kodea]

Yao etniako kidea da (etnia musulmana). Lehen eta bigarren mailako ikasketak Malawin egin zituen, eta ondoren Europara joan zen. Han Hezkuntza Teknikoa lizentziaduna egin zen, Danimarkako Thirsted Technical Collegen. Ondoren Britainia Handiko Huddersfieldeko unibertsitatean ikasi zuen. Europatik bere herrialdera itzuli zenean, Nasawako Unibertsitate teknikoko erretore izendatu zuten, eta 1973an Malawiko Biltzarreko Alderdiko diputatu hautatu zuten. Alderdi horixe zen baimena zuen alderdi bakarra, eta Hastings Banda lehendakaria zuen buru. Bandaren laguntzaile izan zen Muluzi; alderdiko idazkari nagusi izendatu zuten, eta Gazteria eta Kirolak ministerioko ministro orde. Ondoren Hezkuntza, Garraioak eta Komunikabideetako ministro izan zen.

1982an Banda presidenteak dirua bereganatu zuelako salaketapean alderdiko idazkaritzatik kendu zuen. Politika utzi ondoren, nekazaritzan eta esportazioetan aritu zen. 1992an Fronte Demokratiko Batua alderdia sortu zuen Muluzik; alderdi hura izan zen alderdi aniztasunaren alde gogorren egin zuena. Bizi arteko presidentearen irudia deuseztatu ondoren, eta lehendakaritzarako hauteskundeak deitu ondoren, Muluzik eta bere alderdiak garaipena lortu zuen. Koalizio-gobernu bat hitzartu zuen beste alderdiekin eta sindikatuekin. Aginpidera iritsi orduko (1994) amnistia eman zien preso politiko guztiei, eta heriotza-zigorra zutenen zigorraldia aldatu zuen. 2004. urtera arte izan zen Malawiko lehendakari.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q317107
Multimedia: Bakili Muluzi / Q317107