Floquet de Neu

Floquet de Neu
	; Irudi gehiago
Bizitza
Jaiotza	Ekuatore Ginea, 1964
Bizilekua	Bartzelonako Parke Zoologikoa
Heriotza	Bartzelonako Parke Zoologikoa, 2003ko azaroaren 24a (38/39 urte)
Heriotza modua	: eutanasia
Jarduerak

Floque de Neu gorila (Nkó oihana, Ekuatore Ginea, 1966 – Batzelonako zoologikoa, 2003ko abenduaren 24a) munduan dokumentatu ahal izan den gorila albino bakarra izan zen.

Lehen aurkikuntzaren unean Nfumu Ngui izendatu zuten (gorila zuria fang hizkuntzan). National Geographic aldizkarian artikulu batean Snowflake izendatu zuten (elur-maluta euskaraz), Espainiako agintaritzaren esku egon zelarik, horren txikigarri batekin ezaguna bilakatu zen: Copito de Nieve. Bartzelonako zooan bizitzen jarri zutelarik, katalanez Floquet de Neu izen itzuliarekin ezagutua izan da.

Biografia[aldatu | aldatu iturburu kodea]

Banana plantazio batean Nko oihanean aurkitu zuten 1964an, plantazioko nagusiek tiro egin ziotelarik bere amari. Ama hilaren ondoan gorilakume albinoa aurkitu zuten, eta lau egunen buruan Jordi Sabater naturalista katalanari eraman zioten, honek hango estazio zientifiko batean lan egiten zuelarik. Eskualde hura, Ekuatore Ginearen parte kontinentala, Espainiaren kolonia zen orduan, eta horren ondorioz gorila Bartzelonako zoologikora eroan zuten. National Geographic aldizkariak 1967 fama eman zion erreportaia batekin.^[1]

187 kg eta 1,67 metro izatera iritsi zen, eta hainbat emerekin gurutzatu zuten zooan, baina bere kume ugarien edo ondorengoen artean ez da beste gorila albinorik jaio. 2003an azaleko minbiziak jota zegoela, eutanasia ezarri zioten.