Gimnastika artistiko

Wikipedia, Entziklopedia askea
Emakumezkoen gimnasia artistikoa» orritik birbideratua)
Jump to navigation Jump to search
Emakumezkoen lau aparatuak.

Gimnastika artistikoa aparatu jakin batzuetan derrigorrezko eta hautazko probak egitean datzan kirola da. Gizonezkoek sei proba dituzte (zaldi-jauzia, zaldi arkuduna, barra finkoa, barra paraleloak, eraztunak eta lurreko ariketak); emakumezkoek lau (zaldi-jauzia, oreka-barra, barra asimetrikoak eta lurreko ariketak).[1] Hiru eratara praktika daiteke: 1- Taldeko txapelketa: honetan domina bat ematen dute talde bakoitzeko, partaide bakoitzak, bere ariketak eginez puntuak lortzen ditu bere talderako. 2- Banakako txapelketa: Honetan, partaide bakoitzak aparatu guztiak egiten ditu eta puntu gehienak edukitzen dituenak, txapelketaren irabazlea izango da. 3- Banakako amaiera aparatuekin: honekin jakingo dugu bakoitza ze aparatuarekin den onena, eta bakarrik partaide bakoitzetik bi hartzen dituzte, hau da, puntuazio hoberenak dituztenak.

Gimnastika antzinaroan jaio zen baina XIX. mendetik aurrera, gimnastika artistikoa independizatu eta jada 1881ean Europako Federazioa sortu zuten. 1896ko Olinpiar Jokoetan kirol olinpiko bilakatu zen. Hasieran gizonek baino ez zuten egin 1928ko Amsterdamgo Jokoetara arte. XX. mendearen erdialdean diziplinak egungo itxura hartu zuen.[2]


Jatorria[aldatu | aldatu iturburu kodea]

Gimnastika artistikoa eta bere jatorria, Erromatar eta Greaziar historiaren lehenengo urteetan du hasiera, non ikasleek ariketa konplexuak egiten zituzten, irakatsitak izaten zirenak garaiko jakintsuei esker.

Lehiatzeko kirola bihurtu zen duela 100 urte baino gehiago. 1881ean Gimnastkia artistikoko federazioa sotu zen. 1986ean Joko olinpikoetan parte hartzera pasa zen, gaur egun izaten jarraitzen du.

Gimnasia artistikoak historian zehar aldaketa asko jasan ditu, gehien bat tresnak erabili behar diren ariketetan.

1952ean Helsinkin egindako lehiaketaren ondoren , gaur egun erabiltzen ditugun zenbait aparatu  ipini ziren. Baina kontuan izan behar da denboran zehar tresna horiek aldaketak jasan dituztela ere, horrela ariketak erraztuz eta hobeagoak eginez.

Denbora pasa ahala, gimnasia honen barruan egin diren aldaketekin jarraituz, kalifikazioa ere aldatu izan da, 2004.urtean 10.0 puntuko kalifikazioa ezabatu zen, 16 puntuko kalifikazioak ipini ahal izateko.

Gimnastika Artistikoa, kirolezko araubide bat da. Dantza batzuk egiten dira, gorputzarekin eta hainbat aparatuekin. Kirol hau bai mutilek eta bai neskek egin dezakete. Baina egiteko, gomendagarria da txikitatik hastea eta nahita nahi ez indarra eduki behar da.

Ikus, gainera[aldatu | aldatu iturburu kodea]

Erreferentziak[aldatu | aldatu iturburu kodea]

  1.   Harluxet Hiztegi Entziklopedikoa Gimnasia .
  2.   Mcauley, E.; Hudash, G.; Shields, K.; Albright, J.P.; Garrick, J.; Requa, R.; Wallace, R.K. (1987) «Injuries In Women´s Gymnastics» American Journal of Sports Medicine .
Wikimedia Commonsen badira fitxategi gehiago, gai hau dutenak: Gimnastika artistiko Aldatu lotura Wikidatan