Espartxoko zubia

Wikipedia, Entziklopedia askea
Jump to navigation Jump to search
Espartxoko zubia
Kokapena
Herrialdea  Euskal Herria
Probintzia  Gipuzkoa
Udalerria Donostia
Helbidea Txomin Enea
Koordenatuak 43° 18′ 20″ N, 1° 57′ 43″ W / 43.30569444°N,1.96194444°W / 43.30569444; -1.96194444Koordenatuak: 43° 18′ 20″ N, 1° 57′ 43″ W / 43.30569444°N,1.96194444°W / 43.30569444; -1.96194444
Historia eta erabilera
Irekiera1910
Arkitektura

Espartxoko zubia[1] edo Txomineneko zubia Gipuzkoako Donostia hiriburuko Txomin Enea auzoan dagoen zubi bat da, Loiola eta Martutene auzoen artean. Loiolako koarteletik eta Loiolako geltokitik hurbil dago.

Izena[aldatu | aldatu iturburu kodea]

Zubi honi betidanik bertako baserritarrek "Espartxoko zubia" izenez deitu izan dute. Txomin Enea auzoa eratu zenetik Txomineko zubia edota Txomineneko zubia ere deitzen dute; bigarren izen hori hiritar jatorriko jendeak erabiltzen du gehienbat. Beste izen batzuk Kuartelatzeko zubia (Loiolako kuartelaren aurrealdeko Kuarteleko zubiari kontrajarria) eta Puente de La Casera («La Casera zubia») dira. Azken izen hori oso erabilia da gaztelania hiztunen artean, eta La Casera gaseosa enpresak ondoan zuen biltegitik datorkio.

Zubia[aldatu | aldatu iturburu kodea]

Zubia izena ematen dion Espartxo baserriaren alboan dago (garai batean baserria nahiz zubia bera ere Altza udalerrian zeuden). Urumea ibaia zeharkatzen du, hain zuzen ere, Kristobaldegi bidea eta Uba bidearen artean (Ubako baselizara doan bidea).

Historia[aldatu | aldatu iturburu kodea]

Zubia 1910an eraiki zen eta handik iragaten zen bidea Mesedetako Andre Mariaren eritetxera zihoan. Errepidea, hasieran, Urumea gainetik igarotzen da, hormigoizko habez eginiko zubi polit batetik. Eritetxearen kontura eraiki zuten. Gaur egun konponketa beharrean dago, ez baitago halako zirkulazio handiari eusteko egina.[2]

1934an Altzako udalerria Donostia hirira auzo gisa gehitu zen, ondorioz udalerrien arteko muga berrien ezarketa burutu zen, zubi honen eskuinaldean udalerrien arteko 2. zenbakidun mugarria zela egiaztatu zelarik, hain zuzen ere Altza, Loiola eta Martutene auzoen arteko muga).[3]

Erreferentziak[aldatu | aldatu iturburu kodea]

  1. Donostiako zubien izenak, Donostiako Udaleko Euskara Zerbitzuaren webgunean.
  2. VI. Zubiak. Loiolan...
  3. Puente de Espartxo. Donostiako Udala (Gaztelaniaz)