Nazio-estatu

Wikipedia(e)tik
Estatu-nazio» orritik birbideratua)
Hona jo: nabigazioa, Bilatu

Nazio-estatua[oh 1] estatuaren antolaketa modu bat da, posible diren guztien artean, nazio batek lurralde baten gainean eraikitzen duen antolaketa politiko bat, hain zuzen ere, bere izaera eta lurraldea defenditu ahal izateko.

Gehienetan kultura bat eta hizkuntza bakarra ere suposatu ohi ditu. Erlijioak ere markatu izan du zenbait kasutan nazio izaeraren pertzepzioa.

Kontzeptu eztabaidatua[aldatu | aldatu iturburu kodea]

Nazio-estatua nazioarekin nahasten bada ere, nazio-estatu gehienek nazio bat baino gehiago daukate euren mugen barnean. Izan ere, nazio bat besteei gailentzen zaie, nazio-estatu horren agintaritzan eta eliteetan nagusi izanez, eta gehienetan, gainontzeko nazioak gutxitzen saiatuz (bitarteko demokratikoekin edo ez). Ondorioz, nazioak aztertzen dituzten hainbat autorek, nazio-estatu kontzeptuaren izaera nahasgarria azpimarratzen dute, estatu gehienak nazio-estatuak ez diren heinean.

Zentzu honetan, nazio-estatuak oso gutxi lirateke. Esaterako, Portugal (uharteetako tentsio sezesionistak eta Miranda do Douroko zonaldearen izaera alde batera utzita), Albania (hegoaldeko greziar gutxiengoa eta bere aldarrikapen irredentistak ahaztuta) edo Japonia, adibide bakan modura.

Estatu ia guztiek, hortaz, aniztasun etniko eta nazional handia daukate, eta horrek zalantzan jartzen du nazio-estatu kontzeptuaren egokitasuna.

Oharrak[aldatu | aldatu iturburu kodea]

  1. Elhuyar eta Zehazki gaztelania-euskara hiztegiek, «estado» sarreran, «nazio-estatu» dakarte euskal ordaintzat. Hiztegi Batuak, berriz, estatu-nazio forma dakar, baina adibidetzat soilik (letra etzanez, eta ez letra lodiz); horrenbestez, ez da forma arautua, Hiztegi Batuko aipamen horrek ez du arau baten indarrik.

Ikus, gainera[aldatu | aldatu iturburu kodea]