Etileno tetrafluoroetileno kopolimero
| Etileno tetrafluoroetileno kopolimero | |
|---|---|
 | |
| Identifikatzaileak | |
| CAS zenbakia | 25038-71-5 |
Kimikan etileno tetrafluoroetileno kopolimeroa edo ETFE polimero fluoratu bat da eraikuntza erabilera duena. Etileno eta tetrafluoroetileno monomeroak txandakatu egiten dira katea polimerikoan.
Du Pont de Nemours etxeak garatu zuen 1940an eta 1970az gero Tefzel marka komertzialarekin merkaturatzen hasi zen[1].
Ezaugarriak[2]
[aldatu | aldatu iturburu kodea]ETFEa material erdi-kristalinoa da eta beiraren alternatiba moduan usatzen eraikuntzan[3].
- ETFEaren dentsitatea 1,7koa da eta beira baino arinagoa eta, gainera, argiaren oso transmisio egokia du.
- Bere pisuari 400 bider eusteko gaitasuna du.
- Tenperatura-tarte zabalean balia daiteke: -80 °C eta 155 °C bitartean.
- Ezaugarri kimiko egokiak ditu, nahiz eta tefloiak baino apalagoak diren.
- Tefloiak ez bezala injekzioz prozesa daiteke.
- Birziklagarria da.
Erabilera
[aldatu | aldatu iturburu kodea]EFTEa eraikuntzan erabiltzen da bereziki eraikinak gainestaltzeko. Hainbat adibide:
- Munich-ko Allianz Arena estadioa
- Pekingo Igeriketa Zentro Nazionala
- Astanako Khan Shatyr karpa
- Le Havreko Stade Oceane
- Dresdengo jauregiaren barne-estalkia
- Rennesko geltokia
- Kornuallesko Eden proiektua
- Pueblako Cuauhtémoc estadioa
Erreferentziak
[aldatu | aldatu iturburu kodea]- ↑ «Revista TA 40 - ETFE: Ethylene-TetrafluoroEthylene Copolymer» web.archive.org 2013-03-09 (Noiz kontsultatua: 2021-05-13).
- ↑ «ETFE Ethylene TetrafluoroEthylene Tefzel® | Boedeker» www.boedeker.com (Noiz kontsultatua: 2021-05-13).
- ↑ «Fluoroplastic Comparison - Typical Properties» web.archive.org 2018-11-16 (Noiz kontsultatua: 2021-05-13).
Kanpo estekak
[aldatu | aldatu iturburu kodea]| Autoritate kontrola |
|
|---|
