Eztabaida:Diario Vasco

Jatorrizko ikerketa eta beste

Egun on, artikulu honetan badira hainbat ohar egiteko: jatorrizko ikerketa, erreferentzia falta eta erreferentzia erratuak; adibidez, Wikipedia ez da Wikipediarentzako erreferentzia. Bestalde, Wikipediako erreferentziek ez dute edukia babesten. Zuzenketa batzuk egin ditut hasteko. Iñaki LL (eztabaida) 01:46, 28 abuztua 2018 (UTC)

Egun on. Artikulua lantzen ari naiz, neuk egindako gehikuntzei erreferentziak ipiniko dizkiet. -Euskaldunaa (eztabaida) 09:08, 28 abuztua 2018 (UTC)

Beste orri batean zegoen eztabaida, bere artikulura ekarri

Arratsaldeon. Egunkari eta orokorrean hedabide guztiek beren filiak eta fobiak dituzte.

Horregatik ez dut ulertzen atzo artikulu honen sarreran egunkari hau espainiar nazionalismoaren joerako editorialak dituela aipatu izana eta ondoren zuk ezabatzea. Erreferentziengatik bada: ezin ditzazket ipini erreferentzia gisa, horretarako egunkari horretako hemerotekan ikertzeko harpidedun erregistratua izan behar delako, bestelakoan ezinezkoa.

Colpisa espainiar hedabide taldearen jabetzakoa bada (ABC egunkaria bezala), argi dago egunkari honen joera zein den eta zein ez den. Hortaz espainiar nazionalista joerakoa dela aipatzea datu interesgarria gehitzea dela iruditzen zait, beste egunkarien artikuluetan beren joerak aipatzen diren bezala. Adibidez, gaztelaniazko Wikipedian Gara egunkariaren artikuluaren hasieran ezker abertzalearen aldeko joera duela aipatzen da, gainera inongo erreferentziarik gabe.

-Euskaldunaa (eztabaida) 12:41, 6 iraila 2018 (UTC)

Kaixo Euskaldunaa, kontua da erreferentzia horiek ez dutela testu gorputzean jarritako testua babesten, irakurleak ez ditu bere kontuak atera behar, baizik eta irakurri duena esaldien bidez egiaztatuta ikusi. "Espainiar nazionalista" dela esatea, alde egongo naiz edo ez, baina hitz potoloa da hori esatea. Horretarako iturri fidagarri bat behar duzu. Hor ñabardura kontuak daude, baina garrantzitsuak dira.

Editorial batean, zerbait esplizitua esaten badu, hori bai erabil daiteke esateko holako edo halako jarrera duela, bereziki behin baino gehiagotan ikusten baduzu: esan nahi du jarrera hori konstantea dela. Bestela, esan nahi du "hau edo hori esan izan du"ela (baina beharbada antzeko tonuan hitz egin du PSEkoei buruz beste artikulu batean...!). Kontua ez da bai edo bai egunkari hori halakoa edo bestelakoa dela esatera heldu behar garela, nik antzeko pentsa dezaket Trump, Ipar Koreako erregimen edo beste edozeri buruz, baina bitartean hori egiaztatzen duten iturrik ez badut, ez dago esaten duzuna babestuta, are gutxiago baieztapen kategoriko eta biribil hori esateko. Iñaki LL (eztabaida) 13:29, 6 iraila 2018 (UTC)

Ez dut uste Diario Vasco egunkaria espainiar nazionalista joerakoa dela esatea baieztapen bat denik, errealitatea baizik. Bere editorialak egunero Espainiar Estatuaren aldekoak dira, Katalunian Erreferenduma egitearen aurkakoa, Hego Euskal Herria Espainiar estatuaren barnean egitekoa, Monarkiaren aldekoak, Nafarroa ez du euskal lurraldetzat jotzen, Donostian zezenketak izatearen alde, Gatazkaren kontakizun bakarra ezartzearen alde (onak eta txarrak / nazionalistak eta ez nazionalistak)... espainiar nazionalista ez bada, bitxia bada, joera horrek dituen pentsamolde askorekin, de ekin ez bada, bat egiten du.

Gauza ez da nik esaten dudana ala ez, gustatzen zaidana ala ez, editorialak dira egunkari baten joeraren norabidearen adierazle. Ezin ditzaket erreferentzia gisa jarri harpidedun ez naizelako, baina DVren editorialak eta zein joera duen, ez da nik dudan iritzia, hemerotekan edota egunero-egunero irakurgai daukazun errealitatea baizik. Euskaldunaa (eztabaida) 13:49, 6 iraila 2018 (UTC)

Lehen zeuden erreferentziak desastre bat ziren, iruzur bat, eta orain ere esateko moduan asko zorroztu behar da zuzenak izateko, bestela edukiaren desitxurapena dira. Gauza bat da iturrian zer jartzen duen, eta beste bat zure ondorioa. Hala ere, hiruzpalau artikulutan ikuspegi garbi, esplizitu bat (kontrakoa/aldekoa) adierazi badu, esan daiteke holako edo halako jarrera bat hartu izan duela, albait zehatzena (adib. "bere artikuluetan erraustegiaren aldekotasunak nabarmendu ditu" edo "erraustegiaren onurak azpimarratu ditu").

Bestela, erreferentziak mamirik gabe uzteko arriskua dago, argi eta garbi gainera. Ez baduzu erreferentziarik, ez du zertan DV izan behar, ez jarri hitz potolorik. Eta orain artekoak zuzendu mesedez. Iñaki LL (eztabaida) 14:59, 6 iraila 2018 (UTC)

Arratsaldeon. Bai Euskaldunaa bai Iñaki LL arrazoia duzuela uste dut. Zuen iritziak ez dira guztiz kontrajarriak. Diario Vascoren ideologia argia da baina aldi berean, ezin dira baieztapen hauek edonola idatzi. Neuk egingo dut egun hauetan. Gaur ezin dut baina lehen bait lehen egingo dut. Ingelesezko wikipediak duen eredua erabiliko dut. Horrelako zeozer idatzitaː Askoren iritziz (erreferentziak) Diario Vascoren ideologia hau eta hau da eta hauxe idatzi du gai zehatz hauei buruz (erreferentziak)".-Oraina (eztabaida) 15:28, 6 iraila 2018 (UTC)

Kaixo Oraina, orain Egiaztagarritasuna ari gara definitzen. Ez da oso zorrotza gauza asko esaten duen arren, baina serioak izan behar gara, duintasuna/fidagarritasuna eman Wikipediari, ez edozer gauza jarri. Aparteko baieztapenek, aparteko ahalegina behar dute, hori dioen iturri fidagarri bat bilatu.

Batzuek zalantzan jarriko dute nazionalista dela; izan ere, EN WPn, "neutrala" dela dio, tamalgarria, zer irizpide erabili duen jatorrizko egileak hori esateko, ba tira..., baina iturri fidagarri bat erabili du. Irizpide bati heldu behar zaio, ezin gara geure iritzian oinarritu, arrazoi sendoak eduki arren. Baieztapen hori, bestalde oso eztabaidagarria izan daiteke askorentzat.

Albiste batek artikulu horretan dioena adierazten du, eta ez horrek zugan eragiten duen iritzia. Eskerrik asko Oraina aldez aurretik interesa agertzearren. Nik uste dut zerbait txukuna lor dezakegula gutako askok buruan duguna zuzenean Wikipediara alferrik bota gabe! Hau ez da iritzien bilduma bat. Goraintzi! Iñaki LL (eztabaida) 19:14, 6 iraila 2018 (UTC)

Diario Vasco eta bere ideologia

Nire lagun batek praktikak egitera El Correo egunkarira lan egitera joan zenean hiru gauzen aurka ezin zuela idatzi esan zioten buruzagiekː Espainiako erregearen aurka, Espainiako batasunaren aurka eta eliza katolikoko buruzagien aurka.

Jakina, proba idatziak ez ditut eta ez da hain erreza honi buruzko proba idatziak lortzea baina saiatuko naiz. Aldi berean, baten batek arrazoiarekin esan ahal du hiru gauza hauek babestea (Monarkia, Espainaren batasuna eta Elizaren elitea) ez dela "bekatua" edo gauza txar bat. Baina, funtzean Euskaldunaak arrazoia du Diario Vascoren ideologiaren berri emateagatik eta Iñaki LLk arrazoia du erreferentziak behar-beharrezkoak direla idaztearekin.-Oraina (eztabaida) 09:24, 11 iraila 2018 (UTC)

Metodo kontu bat da, baina garrantzitsua da inondik ere. "Lagun batek esan zidan" hasten bagara... zu eta nire artean, bale, nik sinetsiko dizut, baina zaku handi bat irekitzen dugu. Nik argi ditut nire ideiak egunkari honi buruz eta beste batzuei buruz ere, baina zerbait mamitsuan zehaztu behar da hori. Egunkari honek halako hau egin zuen, beste hori esan zuen, baina ez du balio gero "beraz, nik X ondorioztatzen dut"; alde horretatik, guk minimalistak behar dugu, hau ez da autore artikulu bat, entziklopedia bat baizik, egitateak adierazten ditu. Ez dago presarik hau edo bestea dela juzkatzeko... eta gauzak ñabarduraz adieraz daitezke. Ondo segi Iñaki LL (eztabaida) 11:24, 11 iraila 2018 (UTC)

@Oraina: Guztia bat Iñaki LLk egiten duen iruzkinarekin. Badaude, gainera, ikerketak gai honen inguruan. Erabil ditzagun. -Theklan · · 11:52, 11 iraila 2018 (UTC)