Floor Jansen

Wikipedia, Entziklopedia askea
Floor Jansen

Bizitza
JaiotzaGoirle, 1981eko otsailaren 21a (43 urte)
Herrialdea Herbehereetako Erresuma
Lehen hizkuntzanederlandera
Familia
Ezkontidea(k)Hannes Van Dahl (en) Itzuli
Anai-arrebak
Hezkuntza
HeziketaFontys School of the Arts (en) Itzuli
Hizkuntzaknederlandera
finlandiera
Jarduerak
Jarduerakabeslaria eta estudioko musikaria
Jasotako sariak
KidetzaNightwish
After Forever (en) Itzuli
ReVamp (en) Itzuli
Northward (en) Itzuli
Star One (en) Itzuli
Raskasta Joulua (en) Itzuli
Genero artistikoasymphonic metal (en) Itzuli
Ahots motasopranoa
Musika instrumentuaahotsa
DiskoetxeaNuclear Blast (en) Itzuli
floorjansen.com
IMDB: nm6273616 Facebook: floorjansen.singer Twitter: FloorJansen_ Instagram: floor_jansen_official MySpace: flooraf Youtube: UCxy4Ijz2QKXXJaREs-isxwA TikTok: floorjansen.official Spotify: 2ZNTJ9Bu9QMJwBboMSpQgJ iTunes: 193998422 Last fm: Floor+Jansen Musicbrainz: 1dc9f1ab-3748-46c5-ac64-4a1311680da5 Songkick: 2836456 Discogs: 309347 Allmusic: mn0000123811 Deezer: 4966005 Edit the value on Wikidata

Floor Jansen (Goirle, 1981eko otsailaren 21ean) herbeheretar musikaria da eta Nightwish Finlandiako power metal sinfoniko taldearen abeslari nagusia 2012tik aurrera, Anette Olzonen lekua hartuz. Aldez aurretik After Forever taldean egin zen ezagun[1]. Irene Jansen ahizpa gaztea ere metal sinfoniko taldeetako abeslaria da[2].

Sopranoa da eta hiru oktabatako zabalera hartzen du (C3-F6)[3].

Ibilbidea[aldatu | aldatu iturburu kodea]

Haurra zela biologoa izan nahi zuen. 1999an Herbeheretako Rock Akademian musika ikasketak hasi zituen eta hiru urte beranduago Tilburg Kontserbatorioan sartu zen. Antzerki musikala ikasi zuen eta opera ere bai ikasturte batez[4]. Abesteaz gain gitarra, pianoa eta flauta jotzen ditu[5].

After Forever (2007-2009)[aldatu | aldatu iturburu kodea]

16 urte baino ez zituela 1997an Herbeheretako After Forever power metal sinfoniko taldeko abeslari nagusia bihurtu zen eta 2009an taldea desegin zen arte iraun zuen. After Foreverrekin egin zen ezagun metal musikaren munduan. Lehenengo diskoa Prison of Desire 2000 urtean kaleratu zuten eta abestien hitzak eta musika Mark Jansenekin batera konposatu zituen Floor Jansenek. Abizen bera izan arren ez ziren familiakoak. 2002an Markek taldea utzi zuen eta ordutik aurrera Floor Jansen izan zen hitz guztien egilea eta musikaren konposatzailea[6]. Musika irakasle ere lan egiten zuen baina utzi beharra izan zuen After Foreverri denbora eskaintzeko[7]. Sander Gommans gitarjolea erre egin zen taldeak zeraman erritmoaz eta 2008an atsedenaldia hartzea erabaki zuen After Foreverrek. 2009an itzuli zen baina azkenean taldea desegin egin zen.

Floor Jansenek 2009ako urriaren 17an taldekide batzuekin ReVamp taldea sortu zuela iragarri zuen[8]. Talde berriak 2016 artean iraungo zuen eta bi disko kaleratuko zituen[9]. Aldi berean beste proiektu batzuetan ere aritu zen Floor Jansen, dela taldeko abeslari, dela kolaboratzaile, hala nola, Star One, Ayreon, Doro, MaYaN eta Evergrey taldeetan[1].

Nightwish (2012- )[aldatu | aldatu iturburu kodea]

Anette Olzon abeslariak 2012an Nightwish talde finlandiarreko abeslaria izateari utzi zion bakarkako bideari ekiteko. Metal talde finlandiarrak Imaginaerum World Tour kontzertu bira egiteko Floor Janseni eskaini zion lana eta honek berehala onartu zuen[10]. Lehenengo kontzertua Seattlen (AEB) egin zuen 2012ko urrian. Kontzertu biran emandako maila ikusita 2013ko urriaren 9an Nightwishek iragarri zuen Jansen izango zela taldean Olzenen behin betiko lekua hartuko zuena.

2015ean atera zen Jansen abeslari zuen lehenengo Nightwishen estudioko albuma, Endless Forms Most Beautiful[11]. Talde finlandiarraren hirugarren abeslaria zen Jansen, eta disko hau taldearen zortzigarren estudioko albuma. Hurrengo diskoa ateratzeko bost urte pasatu ziren, Human. :II: Nature. izan zen[12].

Bakarkako bidea[aldatu | aldatu iturburu kodea]

2020ko urtarrilean bakarkako kontzertu bat egin zuen. COVID-19 pandemiak eragindako murrizketek programaturiko emanaldiez gain bakarkako diskoaren ekoizpena atzeratu zuten. 2022ko martxoaren 25ean aurreneko singlea atera zuen, "Fire"[13]. Maiatzean "Storm"[14] eta irailean "Me Without You"[15]. 2023ko urtarrilean "Invincible" singlea atera zuen eta martxoaren 24an Paragon diskoa kaleratu zuen. 2023ko apirilaren 29an Metallica taldeak Amsterdamen egin zuen kontzertua ireki zuen Floor Jansenek bakarkako diskoarekin[16].

Bizitza pertsonala[aldatu | aldatu iturburu kodea]

Sabaton taldeko bateriajolea den Hannes Van Dahl du senarra eta 2017ko martxoaren 15ean alaba izan zuten[17].

2018an Andreas Weigel zientzilariak koleoptero espezie berri bat aurkitu zuen eta Tmesisternus floorjansenae izena jarri zion Jansenen omenez[18]. 2020an Maastrichtiar estaieko ofiura baten fosila Ophiomitrella floorae izendatu zuten[19].

2022ko urriaren 26an bularreko minbizi bat diagnostikatu zioten eta hurrengo egunean bertan egin zioten ebakuntza[20].

2023ko martxoan bigarrenez haurdun zegoela iragarri zuen[21].

Diskografia[aldatu | aldatu iturburu kodea]

Floor Jansen After Forever taldearekin abesten, 2007an.
Floor Jansen Nightwish taldearekin abesten, 2013an.

Bakarlari[aldatu | aldatu iturburu kodea]

  • Paragon (2023)

Taldeetako abeslari[aldatu | aldatu iturburu kodea]

  • After Forever
    • Prison of Desire (2000)
    • Decipher (2001)
    • Exordium (2003) - EPa
    • Invisible Circles (2004)
    • Remagine (2005)
    • After Forever (2007)
  • Star One
    • Space Metal (2002)
    • Live on Earth (2003) - Zuzenekoa
    • Victims of the Modern Age (2010)
    • Revel in Time (2022)
  • ReVamp
    • ReVamp (2010)
    • Wild Card (2013)
  • Nightwish
    • Showtime, Storytime (2013) - Zuzenekoa
    • Endless Forms Most Beautiful (2015)
    • Vehicle of Spirit (2016) - Zuzenekoa
    • Decades: Live in Buenos Aires (2019) - Zuzenekoa
    • Human. :II: Nature. (2020)
  • Northward
    • Northward (2018)

Kolaborazioak[aldatu | aldatu iturburu kodea]

  • Ayreon
    • Universal Migrator (2000)
    • 01011001 (2008)
    • The Source (2017)
  • Doro
    • Celebrate (2008)
  • MaYaN
    • Quarterpast (2011)
    • Antagonise (2014)
  • Evergrey
    • The Storm Within (2016)

Erreferentziak[aldatu | aldatu iturburu kodea]

  1. ↑ a b (Ingelesez) «Floor Jansen» Discogs (Noiz kontsultatua: 2023-08-24).
  2. ↑ (Ingelesez) «Irene Jansen» Discogs (Noiz kontsultatua: 2023-08-24).
  3. ↑ «Digging Deeper: Axl Rose is NOT the Singer With the Widest Range - VVN Music» web.archive.org 2019-04-02 (Noiz kontsultatua: 2023-08-24).
  4. ↑ (Ingelesez) Ashmedai. (2013-08-18). Pulling A Wild Card: An Interview With ReVamp - Metal Blast!. (Noiz kontsultatua: 2023-08-24).
  5. ↑ «After Forever at Musical Discoveries» musicaldiscoveries.com (Noiz kontsultatua: 2023-08-24).
  6. ↑ AFTER FOREVER - Interview w/ Floor Jansen + Joost van den Broek (PART 1). (Noiz kontsultatua: 2023-08-24).
  7. ↑ «NIGHTWISH: FLOOR JANSEN, TUOMAS HOLOPAINEN AND MARCO HIETALA ON MAKING THE CUT AS A MUSICIAN» web.archive.org 2016-01-08 (Noiz kontsultatua: 2023-08-24).
  8. ↑ «Name of my new band! - Floor Jansen's MySpace Blog |» web.archive.org 2009-10-23 (Noiz kontsultatua: 2023-08-24).
  9. ↑ «ReVamp on Facebook | Ghostarchive» ghostarchive.org (Noiz kontsultatua: 2023-08-24).
  10. ↑ «How Nightwish became a modern metal phenomenon - Metal Hammer» web.archive.org 2015-12-28 (Noiz kontsultatua: 2023-08-24).
  11. ↑ (Ingelesez) Blabbermouth. (2014-12-22). «NIGHTWISH To Release 'Endless Forms Most Beautiful' Album In March» BLABBERMOUTH.NET (Noiz kontsultatua: 2023-08-24).
  12. ↑ (Ingelesez) Munropublished, Scott. (2020-01-16). «Nightwish detail new double studio album Human. :II: Nature» louder (Noiz kontsultatua: 2023-08-24).
  13. ↑ (Ingelesez) Blabbermouth. (2022-03-09). «NIGHTWISH's FLOOR JANSEN Announces 'Fire' Solo Single» BLABBERMOUTH.NET (Noiz kontsultatua: 2023-08-24).
  14. ↑ (Ingelesez) Scarlettpublished, Liz. (2022-05-27). «Nightwish's Floor Jansen releases the theatrical and uplifting ballad Storm» louder (Noiz kontsultatua: 2023-08-24).
  15. ↑ (Ingelesez) Blabbermouth. (2022-09-08). «NIGHTWISH's FLOOR JANSEN Releases Third Solo Single, 'Me Without You'» BLABBERMOUTH.NET (Noiz kontsultatua: 2023-08-24).
  16. ↑ (Ingelesez) Blabbermouth. (2023-04-29). «Watch: NIGHTWISH's FLOOR JANSEN Performs In Amsterdam As Support Act For METALLICA» BLABBERMOUTH.NET (Noiz kontsultatua: 2023-08-24).
  17. ↑ «Floor Jansen (@floor_jansen_official) on Instagram | Ghostarchive» ghostarchive.org (Noiz kontsultatua: 2023-08-24).
  18. ↑ (Ingelesez) Neilstein, Vince. (2019-03-09). «Newly Discovered Species of Beetle Named After Nightwish Singer Floor Jansen» MetalSucks (Noiz kontsultatua: 2023-08-24).
  19. ↑ (Ingelesez) Community, PeerJ. Author Interview: A new ophiacanthid brittle star (Echinodermata, Ophiuroidea) from sublittoral crinoid and seagrass communities of late Maastrichtian age in the southeast Netherlands | PeerJ Blog. (Noiz kontsultatua: 2023-08-24).
  20. ↑ (Ingelesez) Blabbermouth. (2022-10-26). «NIGHTWISH's FLOOR JANSEN Diagnosed With Breast Cancer» BLABBERMOUTH.NET (Noiz kontsultatua: 2023-08-24).
  21. ↑ (Ingelesez) BraveWords. «NIGHTWISH Singer FLOOR JANSEN Expecting Second Child With SABATON Drummer HANNES VAN DAHL» bravewords.com (Noiz kontsultatua: 2023-08-24).

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Floor_Jansen&oldid=9364335"(e)tik eskuratuta