Furusato

Furusato
Atsushi (en) musika-lana
Egilea(k)	Atsushi (en)
Argitaratze-data	2012
Ezaugarriak
Genero artistikoa	children's music (en)
Deskribapena
Honen parte da	Music (en)
Hitzak	Takano Tatsuyuki (en)
Bestelako lanak
Musikagilea	Teiichi Okano (en)

«Furusato» abestiari monumentua Tottorin.

Furusato (japonieraz: 故郷) Japoniako haur-kanta ospetsua da. Teiichi Okanok konposatu zuen 1914an; hitzak Tatsuyuki Takanok idatzi zituen. Japoniako gobernuak irakatsi beharreko abestien artean sartu zuen hezkuntza sistema publikoan, eta duela gutxi jaso da Nihon no Uta Hyakusen izeneko abesti herrikoien bilduman.

Gaia

Nahiz eta japonierazko furusato hitza "jatorrizko lurraldearen", "jaioterriaren" edo "antzinako etxearen" baliokidea izan eta Takanoren jaioterria Nakano izan (Naganoko prefekturan), letrak ez dirudi leku jakin bati erreferentzia egiten dionik.Horren ordez, bere jaioterritik urrun lan egiten duen pertsona bat da abestiaren protagonista, eta bere jaioterriko mendi eta ibaiekiko nostalgia adierazten du.

Historia

1970eko hamarkadara arte egileen izenak ezezagunak ziren, baina 1992tik aurrera Teiichi Okano eta Tatsuyuki Takano izenak abestian inprimatuta agertzen dira eskolako musika-liburuetan.

Naganoko 1998ko Neguko Joko Olinpikoen amaiera-ekitaldian interpretatu zen, eta, 2014an, abestiaren ehungarren urteurrena ospatzeko, Saito Kinen Festival Matsumoton (2015etik Seiji Ozawa Matsumoto Festival, OMF) orkestra-akonpainamendua zuen haur-abesbatza batek interpretatu zuen Naganon, Seiji Ozawaren zuzendaritzapean.

2014an Il Divo taldeak Japonian zehar eginiko biran, abestiaren bertsioa egin zuen. Abestia 2014ko abenduaren 1an plazaratutako Live in Japan musika-diskoan jaso zuten.

Hitzak

Kanji	Hiragana	Rōmaji	Itzulpena
兎追いし　彼の山 小鮒釣りし　彼の川 夢は今も　巡りて 忘れ難き　故郷 如何にいます　父母 恙無しや　友がき 雨に風に　つけても 思ひ出づる　故郷 志を　果たして いつの日にか　帰らん 山は靑き　故郷 水は淸き　故郷	うさぎおいし　かのやま こぶなつりし　かのかわ ゆめはいまも　めぐりて わすれがたき　ふるさと いかにいます　ちちはは つつがなしや　ともがき あめにかぜに　つけても おもひいづる　ふるさと こころざしを　はたして いつのひにか　かえらん やまはあおき　ふるさと みずはきよき　ふるさと	usagi oishi ka no yama ko-buna tsurishi ka no kawa yume wa ima mo megurite wasuregataki furusato ika ni imasu chichi haha tsutsuganashi ya tomogaki ame ni, kaze ni tsukete mo omoi izuru furusato kokorozashi o hata shite itsu no hi ni ka kaeran yama wa aoki furusato mizu wa kiyoki furusato	Untxien atzetik nenbilen mendi hartan. Arraintxoak harrapatzen nituen ibai hartan. Gaur egun ere amets haiek itzultzen dira. Ezin dut nire jaioterria ahaztu. Aita, ama, ondo zaudete? Nire betiko lagunak ondo egongo dira? Euria erortzen denean eta haizeak jotzen duenean ere, nire jaioterriko oroitzapenak azaleratzen dira. Egunen batean, nire ametsak egia bihurtu ditudanean, itzuliko naiz. Mendiak berdeak diren tokira, nire jaioterrira. Urak garbi diren tokira, nire jaioterrira.

Kanpo estekak

• Abestia Youtuben.

• Datuak: Q3080250