Gustavo Torner

Gustavo Torner
	; Irudi gehiago
Bizitza
Jaiotza	Cuenca, 1925eko uztailaren 13a (99 urte)
Herrialdea	Espainia
Hezkuntza
Hizkuntzak	gaztelania
Jarduerak
Jarduerak	margolaria eta eskultorea
Jasotako sariak	ikusi Elisabet Katolikoaren Ordenaren Gurutze Handia (2001) ; Alfontso X.a Jakitunaren Ordenako Gurutze Handia (2017) ; Knight Commander of the Order of Alfonso X (1966) ;
Kidetza	San Fernandoko Arte Ederren Errege Akademia

Gustavo Torner (Cuenca, Espainia, 1925eko uztailaren 13a) espainiar pintore eta eskultorea da.

Biografia

Baso-ingeniaritzako ikasketak egin zituen, eta alor horretan lanean aritu zen zenbait urtez, harik eta 1965ean pintura eta eskulturatik bizitzea erabaki zuen arte. Ingeniari gisa Teruelen izan ondoren, 1951n Cuencara joan zen bizitzera. 1963-1966 bitartean, Zóbel eta Gerardo Ruedarekin batera, Espainiako Arte Abstraktuaren Museoa sortzen eta prestatzen aritu zen Cuencan.

Obra figuratiboa egin zuen hasieran, baina 1960tik aurrera irudi kontrajarriak eta kontzeptualak agertzen hasi zen. Aldi berean, euskarri gisa, oihalaren ordez zura eta inoiz metala ere erabiltzen hasi zen. Gero, eskultura monumentalak egiten hasi zen, eta collageak, baina azkeneko urteetan berriro itzuli da pinturara, abstrakzioaren, konstruktibismoaren eta mininal art korrontearen ildotik. Bere obran sentimendua analisi formalaren mende dago, eta baita dena argitzen eta aseptikoki antolatzen duen asmamen zorrotz baten mende ere.

Pintura eta eskultura lanez gainera, aipagarria du, baita ere, antzerki-obretarako egindako lana, dekorazioa eta irudiak bereziki. Bere ardura izan da, baita ere, Madrilgo Prado Museoko zenbait aretoren berrikuntza, eta Loewe etxearen denden diseinua. 1979. urtetik aurrera berak antolatu ditu Madrilgo Juan March Fundazioaren erakusketak.

1987an Espainiako gobernuak Arte Ederretako Merituaren Urrezko Domina eman zion. Bere obra, hala eskulturak nola pinturak, munduko museo onenetan aurki daiteke, Madrilgo Reina Sofian, Londresko Tate Galleryn, Tokioko Western Art Musuemen, eta San Frantziskoko Achenbach Foundation for Graphic Artsen, besteak beste.

Gustavo Tornerren eskultura, Plaza de los Cubos (Madril)
Gustavo Tornerren eskultura, Museo Arte Público (Madril)

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q3121400
Multimedia: Gustavo Torner / Q3121400