Hebentik

Hebentik (euskara batuan "Hemendik") 2004an sortutako Zuberoako kultura elkartea da. Tradizioa abiapuntutzat jota sorkuntza eta esperimentazio artistikoak bultzatu nahi ditu herrialdean, kultura eragileen arteko elkarlanaz.^[1]

Egoitza "POM" Pau-Oloron-Mauléon tramaren aterbean du, Lextarreko Matalaz karrikan. Egoitza txiki honetan Xiberoko Bertso Alkarteak ere hartzen du ostatu.

Hebentik-ek aukera hauek eskaintzen ditu:

Formakuntza ikastaldiak (kanta, dantza, musika, clown)
Ikusgarrien sorkuntzak edota hedapena
Ekoizpenak: KD, DVD, liburuak, argazki soinulariak...
Liburutegi bat^[2]

Kideak

Herrialdeko esparru kultural desberdinak jorratzen dituzten elkarte batzuek sortu zuten:

Ekimenak

Arte espresio anitz bultzatzen ditu, agerkariak antolatuz. Adibideak:^[3]^[4]

Buhameek Badakie berria
Oiherkoren trajeria, 2006an Ahüzkin taularatua.
Etxebarre 007, 2007an Etxebarren plazaratutako ikuskizuna.
Züek Heben, Euskal Herriko atlas geo-poetiko bat marrazten.
Har eman, 2009an prestatutako antzerki-dantza-musika agerkaria.
Hebentik Harat, 2009an kolektiboko artistek antolatutako bira. Zuberoa eta Nafarroako sei herri bisitatu zituen.
Ekialde, 2011n Santa Grazin plazaratutakoa. Lau ibarretako (Echo, Aspe, Erronkari, Zuberoa) dantzari, kantari eta musikarien parte hartzearekin.
Xora filmaren grabaketa, 2011n.
Pilotarhitza (2011)
No future (2011)
Ketariatik Mundura
Ziberoa zinez, udako zinema emanaldiak zenbait herritan.
Euskal Herriko Atlas geo-poetikoa. Zer da hori?
Barbau Hamalau (2014)