Ingeles anarkia

Lincolngo guduaren ilustrazioa, ia garaikoa

Ingeles anarkia edota Ingalaterrako anarkia (ingelesez: The Anarchy) Ingalaterrako Erresuman eta Eztebe Ingalaterrakoaren erregealdian zehar (1135-1154) jazotako ezegonkortasun sozial eta politiko eta gerra zibil aldia izan zen. Aldi honetako ezaugarri nagusia Ingalaterrako Koroaren ondorengotza krisia izan zen, 1135ean Henrike I.a Ingalaterrakoa zendu ondoren, tronuaren jabetza lortzeko Eztebe Bloisekoa eta haren lehengusu Matilde Ingalaterrakoa lehiatu ziren.

Nahiz eta azkenean Eztebe errege koroatu izan, bi aldeetako jarraitzaileen arteko borroken ondorioz Ezteberen erregealdi osoan herrialdeak gobernu eraginkortasun eza jasan zuen.

Krisialdia 1153. urtera arte ez zen konpondu, hain zuzen ere, Wallingfordeko Itunean Matilderen semea zen Henrike II.a Ingalaterrakoa tronurako ondorengo izendatu zuten arte. Honek Ingalaterrako Erresuman Plantagenet leinua ezartzea suposatu zuen.

Kanpo estekak

• Datuak: Q743768
• Multimedia: The Anarchy / Q743768

Artikulu hau Ingalaterrako historiari buruzko zirriborroa da. Wikipedia lagun dezakezu edukia osatuz.