Itsasuko Agiria

Itsasuko oroitarria, 1963koa

Itsasuko Agiria edo Itsasuko Ageria 1963 urteko Aberri Egunean Itsasu herrian plazaratutako agiria izan zen, Europan integraturiko Euskal Herria nazio moduan aldarrikatzen zuena.

Ekimena

Enbata mugimendu abertzaleak ETArekin batera antolatu zuen Aberri Egun hura. Ekimenean Ximun Haranek eta Julen Madariagak, Ipar eta Hego Euskal Herriaren izenean, hurrenez hurren, Gernikako Arbolaren kimu bat landatu zuten. Ezezagun batzuek zuhaixka hondatu zutela-eta, horren ordez oroitarri bat ipini zuten gerora. Egun oroitarria San Fruktuoso elizaren kanpoaldean.

Garrantzia

Agiria Enbata mugimenduak idatzi zuen eta Ipar Euskal Herriko abertzaletasunaren mugarritzat jotzen da, horren inguruan mugimendu abertzale zabala garatu baitzen. Ondorioz, Enbata mugimendua 1964 eta 1967 urteetan hauteskundeetara aurkeztu eta bozen %5a eskuratu zuen.

Agiriaren testua

Itsasuko Agiriaren aldarrikapenaren oroitarrian hitz hauek jasotzen ditu:

Egun 1963ko apirilaren 15an aberri egunean

Lapurdiko Itsasun landatu dugun arbolaren pean bildurik
huna zer jakin arazten dugun

GUK EUSKALDUNEK

ZER GIREN

Lurraren arrazaren mintzairaren ohiduren

aldetik herri bat eta bakar bat gira

iragan denborako eta egungo nahiaz

nazione bat gira

Naturaz eta historioaz demokrazia bat gira

herri nazione demokrazia gisa

ZER DIOGUN

Batasunaren obratzeko eskubidea

gure buruaren jabetasunaren osoa nahi ditugu

herri bakotxari :zor baitzako mende huntan

bere buruaren gobernatzeko dretxoa

JAKIN ARAZTEN DUGU :

Gure nazionea guhaurek gobernat nahi dugula

bertze herrieri gure Euskal Herria nazionetzat onhar araztea oldartuko girela

Horrela bat eginen da Euskal Herria eta

gure aberriari bizia eta segida emanen diogu.

Ikus, gainera

• Enbata

Kanpo estekak

• Datuak: Q12259884

Artikulu hau politikari buruzko zirriborroa da. Wikipedia lagun dezakezu edukia osatuz.