Ixone Andreu

Ixone Andreu
	; (2023) Irudi gehiago
; Santurtziko zinegotzi
; Santurtziko Zinegotzi ordezkari
Bizitza
Jaiotza	Santurtzi, 1995 (28/29 urte)
Herrialdea	Bizkaia, Euskal Herria
Bizilekua	Santurtzi
Hezkuntza
Heziketa	Asti Leku Ikastola ; Deustuko Unibertsitatea gradu ; Deustuko Unibertsitatea ; (2020 - 2021) master : Genero-indarkeria
Jarduerak
Jarduerak	gizarte-langilea, gizarte hezitzailea eta politikaria
	Parte-hartzailea Egin kantu! ;
Kidetza	Euzko Gaztedi
Sinesmenak eta ideologia
Alderdi politikoa	Eusko Alderdi Jeltzalea

Ixone Andreu Egia (Santurtzi, Bizkaia, 1995) bizkaitar gizarte langile, emakumeen aurkako indarkerian aditu eta politikaria da.

2023tik Santurtziko Udalean EAJko zinegotzi hautetsia da. Horrez gain, udal gobernuko kidea ere bada, Gizarte Ekintza eta Berdintasunerako zinegotzi delegatu moduan.

Bizitza[aldatu | aldatu iturburu kodea]

Familia abertzale batean jaio zen. Asti Leku Ikastolan egin zituen lehen hezkuntza, bigarren hezkuntza eta batxilergoko ikasketak. Bertan, Aintzane Urkijoren alabarekin batera ikasi zuen.

Gizarte-langintza gradua ikasi zuen Deustuko Unibertsitatean eta baita gizarte-hezkuntza gradua ere. Ondoren, emakumeen aurkako indarkerian esku-hartzeko masterra ikasi zuen Deustuko Unibertsitatean 2021ean. Bere master amaierako ikerlana "Sexualitatea eta genero mandatuen eragina pornografiaren eraikuntzan" izan zen.^[1]

Emakumeen aurkako indarkeriaren alorrean aritu izan da Andreu, hainbat eremu eta kanpaietan, adibidez Beldur Barik bezalako ekimenetan.

2006. urtean, hamaika urte zituela, Andreuk ETB1eko Egin kantu! talent showan parte hartu zuen lehiakide gisa, Nerea Aliasek aurkeztua eta Joxe Mendizabal coach zelarik. Lehiaketaren finalera heldu eta finalista moduan geratu zen.^[2]

Ibilbide politikoa[aldatu | aldatu iturburu kodea]

Gaztetik Euzko Gaztedi erakundearen parte izan da, baita EAJ alderdiaren parte ere.

2023ko udal hauteskundeetan Santurtziko Udaleko zerrendaren parte izen zen, EAJren partez.^[3] Andreu zinegotzi hautetsia izan zen.^[4]

Karmele Tubilla Santurtziko alkate hautatu zuten. Andreu udal-gobernuko kide izendatu zuen Tubillak, Gizarte Ekintza eta Berdintasunerako zinegotzi delegatu moduan.^[5]^[6]^[7]^[8]

Andreuk Asti Leku Ikastolan ikasi zuen eta bertan Miren Matanzas eduki zuen irakasle. 2023an Santurtziko udalean bat egin zuten, bakoitza alderdi baten ordezkaritzan. Horrez gain, 2023ko udalaren eratze bilkuran, Ixone Andreu eta Miren Matanzasi egokitu zitzaien adin-mahaian egotea, zinegotzi gazteena eta helduena baitziren.^[9]

Bizitza pertsonala[aldatu | aldatu iturburu kodea]

Santurtzin bizi da. Mendizalea da, eta maiz egiten du mendizaletasuna. Miren Matanzasen alabaren eta Aintzane Urkijoren alabaren lagun hurbila da, Asti Leku Ikastolan ikasi zuenekin batera.