Jabaliako azokako sarraskia (2023)

Jabaliako azokako sarraskia
Mota	aire-eraso gertaeren segida giza hilketa
Honen parte da	2023-2024ko Israel-Palestina gatazkako palestinarren errefuxiatu esparruen kontrako Israelen aire erasoak, Israel-Palestina gatazka (2023-...) eta Israel Gazako zerrendako biztanleen aurka egiten ari den erasoak juridikoki genozidiotzat aitortzea
Data	2023ko urria
Kokaleku	Jabaliako errefuxiatu esparrua
Herrialdea	Palestina eta Israeli-occupied territories (en)
Koordenatuak	31°32′14″N 34°29′47″E
	Ibrahim Qusaya (en)
Parte-hartzaileak	Israelgo Defentsa Indarren Aireko Armada
Pertsona hilak	50
Erantzule	Israelgo Defentsa Indarren Aireko Armada Israel
Osagaia(k)
Shihab family killing (en) al-Fakhura ikastetxearen kontrako aire erasoak 2023ko urriko Jabalia errefuxiatu esparruaren bonbardaketa Abu Hussein ikastetxearen kontrako aire erasoa

Biktimen kopurua zehaztea ez da erraza.

Biktima ugari haurrak ziren.

Jabaliako azokako sarraskia Gazako Zerrendan dagoen Jabaliako errefuxiatu eremuaren merkatuaren bonbardaketa Israelgo Defentsa Indarrek 2023ko urriaren 9an, Gazako genozidioaren barnean, egindako aire eraso bat izan zen. Merkatua zibilez beteta zegoen erasoa egin zen unean.

Hirurogei pertsona baino gehiago hil ziren eta merkatuaren alde handi bat suntsituta geratu zen. Israelgo Gobernuak baieztatu zuen aire erasoak Hamasen elementuak izan zituela jomugan, Jabaliako kanpamentuko meskita batean.

Kokapena

Jabaliako errefuxiatu-esparruaren merkatua Gazako Zerrendako gunerik animatuenetako bat da. Gaza hiriaren ipar-ekialdean dago. Gazako merkaturik handiena da. Merkatuan, gainera, erresidentzia-eremu bat dago, Al-Ternis eremua, alegia.

Jabaliako esparruan Ekialde Hurbileko Palestinar Iheslariei Laguntzeko Nazio Batuen Agentzia (UNRWA) 116.011 errefuxiatu palestinar erregistratu zituen eremuan.

Aire erasoak

Israelek Gazako beste eremu batzuen aurka egindako aire-erasoen ondoren, Gazako barne desplazatuek Jabaliako kanpamendura ihes egin zuten. Erasoa gertatu zenean, merkatua erabat beteta zegoen, bezeroak eta saltzaileak premia biziko produktuez hornitzen. Airetiko erasoa Jabaliako merkatuko Al-Trans ingurura iritsi zen, Jabaliako gune jendetsuenetako batera.

Beste aire eraso bat Al-Shati errefuxiatu guneraren aurka gauzatu zen. Erasotik bizirik atera zirenek, France 24ri egindako adierazpenetan, adierazi zuten aire erasoak «merkatuaren bihotza jo» zuela, eta, berehala, hildako asko izan zirela. Gorpuetako asko ezin izan ziren berreskuratu aire-erasoaren ondorengo egunetan, mediku-ekipamendurik ez zegoelako.

Al Jazeerak jaso zuenez, Euskal Herrian 15:00ak zirenean, aire erasoa izan zen aipatu errefuxiatu gunean. Israelek tona banako sei lehergailu jaurtita etxebizitzen aurka aurka, hainbat etxebizitza goitik behera erori ziren barnean jendea zegoela eta beraz familia askok kide ugari galdu zituzten aldi berean. Ehunka ziren zaurituak eta ospitaleak gainezka zeuden.

Hildakoak

Gazako Indonesiar Ospitaleko zuzendariak esan zuen 145 zirela gutxienez hildakoak, baina jende asko etxeen hondakinen azpian geratu zen eta gauez elektrizitaterik gabe, ilunpetan, erreskateak egin ezinik ari ziren. Beraz, baliteke hildakoen kopurua altuagoa izatea.

Bigarren erasoa

Urriaren 12an Jabaliako kanpalekuaren aurka egindako bigarren aire-eraso batek bizitegi-eraikin bat harrapatu, zenbait apartamentu suntsitu eta bi familiatako hainbat pertsona hil zituen. Gazako Barne Ministerioak jakinarazi zuen berrogeita bost pertsona hil zirela eta gutxienez beste lau zauritu.

Kanpo estekak

• (Gaztelaniaz):CNNren eraso ondorengo bideoa.

• Datuak: Q122983274
• Multimedia: Jabalia refugee camp airstrikes, 2023 / Q122983274