Jacques Mercanton

Jacques Mercanton
	;
Bizitza
Jaiotza	Lausana, 1910eko apirilaren 16a
Herrialdea	Suitza
Heriotza	Lausana, 1996ko apirilaren 27a (86 urte)
Hezkuntza
Heziketa	Lausanako Unibertsitatea
Hizkuntzak	frantsesa
Jarduerak
Jarduerak	idazlea eta unibertsitateko irakaslea
Enplegatzailea(k)	Lausanako Unibertsitatea
Jasotako sariak	ikusi Rambert Award ; Gottfried-Keller-Preis (1988) ; Vitet Prize (1988) ;

Jacques Mercanton (Lausana, 1910eko apirilaren 16a - ibidem, 1996ko apirilaren 27a) suitzar idazlea izan zen. Hogeita bost urtez, literatura-irakasle izan zen Lausanako Unibertsitatean. Grinen poesia eta tragedia azaldu du obra guztian, hala kontakizunetan —Le Secret de vos coeurs (1942, Zuen bihotzeko sekretua), La Sibylle (1967, Sibila), L'Amour dur (1980, Amodio gogorra)— nola eleberrietan —Thomas l'incrédule (1943, Tomas sinesgabea), L'Eté des Sept-Dormants (1974, Zazpi lotien uda)—. Istorio horietan, bikoteak azaltzen dira beti, eta haien zoriona arriskuan jartzen du eritasunak edo heriotzak. Bikoteen asmoak, hausnarketak eta ametsak dira, hain zuzen, testuaren muina. Obra gehienak idazleak ongi ezagutzen dituen paraje ezagun eta maiteetan kokatuta daude: Italian, Suitzako Engadinan, Bavarian eta Pragan, adibidez. Eleberrigile aparta izateaz gainera, saiakeragile bikaina da, Thomas Mann, T.S. Elliot, Lawrence Arabiakoa, On Kixote eta Frantziako klasiko handiei buruzko idazlanetan erakutsi duenez.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q118302