Javier Torrealdea

Javier Torrealdea
	;
Bizitza
Jaiotza	Bermeo, 1950eko azaroaren 27a (73 urte)
Herrialdea	Bizkaia, Euskal Herria
Hezkuntza
Heziketa	Nafarroako Unibertsitatea
Hizkuntzak	euskara; gaztelania
Jarduerak
Jarduerak	informatikaria eta unibertsitateko irakaslea
Lantokia(k)	Donostia
Enplegatzailea(k)	Euskal Herriko Unibertsitatea ; Donostiako Informatika Fakultatea

Francisco Javier Torrealdea Folgado (Bermeo, 1950eko azaroaren 27a) Euskal Herriko Unibertsitateko irakasle katedraduna da, Konputazio Zientziak eta Adimen Artifiziala sailean eta Informatika Fakultatean. EHUko Informatika Fakultateko dekanoa izan zen 1983an eta 1985tik 1992ra. Erretiratuta dago 2010etik.

Zientzia Fisikoetan lizentziatu zen Donostian Nafarroako Unibertsitatean 1977an, eta bertan defendatu zuen 1981ean "Polikristalen deformazio plastikoak hotzean" izeneko doktorego-tesia.^[1]

Ikerlaria[aldatu | aldatu iturburu kodea]

Informatika Fakultateko Adimen Konputazionala taldeko ikertzailea izan da.^[2] Ikertalde honen lan-eremua adimen artifizialeko tekniken aplikazioa da, beti ere pertzepzioarekin eta sistemen kontrolarekin lotuta dauden hainbat arlotan. Ikertaldearen sortzaileetako bat izan zen.

Artikulu zientifiko ugari^[3] argitaratu ditu sistemen dinamika eta konputazio-sistemak arloetan.

Liburuak ere argitaratu zituen sistemen dinamikari buruz, baita horren erabileraz hizkuntzen arteko ukipen-egoera aztertzeko.^[4]