Jean de Béthencourt

Jean de Béthencourt (frantsesez, ʒɑ̃ də betɑ̃kuːʁ ahoskatua; Grainville-la-Teinturière, Normandia, Frantzia, 1362 – Grainville-la-Teinturière, Normandia, Frantzia, 1425?) Normandiar itsasgizona izan zen.

Gaztelako Henrike III.aren zerbitzuan zegoela Kanarietako uharte txikienak konkistatu zituen (1402-1404), bertako biztanleak, guantxeak, menderatu ondoren. Hango lehen kolonia sortu zuen, Betancuria. 1412. urtean Frantziara abiatu zen Ehun Urteko Gerra zela eta. Batere dirurik gabe gelditu ondoren, Nieblako kondeari saldu zizkion Kanarietako zenbait uharte.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2016-09-21 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.