Jeanloup Sieff

Jeanloup Sieff
Bizitza
Jaiotzako izen-deiturak	Jean Louis Sieff
Jaiotza	Parisko 15. barrutia, 1933ko azaroaren 30a
Herrialdea	Frantzia
Heriotza	Parisko 7. barrutia, 2000ko irailaren 20a (66 urte)
Heriotza modua	berezko heriotza: minbizia
Familia
Seme-alabak	ikusi Sonia Sieff (en) ;
Hezkuntza
Heziketa	Lycée Chaptal (en) ; Collège-lycée Jacques-Decour (en)
Hizkuntzak	frantsesa
Jarduerak
Jarduerak	argazkilaria
Jasotako sariak	ikusi Ohorezko Legioko zalduna ; Niépce saria ;
Izengoitia(k)	Jeanloup Sieff
	jeanloupsieff.com

Jeanloup Sieff (Paris, 1933ko azaroaren 30a - 2000ko irailaren 20a) frantses argazkilaria izan zen.

Literatura, kazetaritza eta argazkilaritza ikasi zituen, Parisko Vaugirard eskolan eta Suitzako Veveyn. Argazkilari gisa bere kasa hasi zen lanean, baina 1955ean Elle aldizkariak kontratatu zuen. Handik hiru urtera, Magnum agentzian sartu zen, eta garrantzizko lanak egin zituen, Grezia, Turkia eta Polonian. Lan hura utzi ondoren, New Yorkera aldatu eta hainbat aldizkarirentzat lan egin zuen han eta Europan (Glamour, Harpeer´s Bazaar, Vogue, Queen). 1966an Parisa itzuli zen, eta bertan finkatu zen. Lan nagusiak modaren alorrean egin zituen, eta oro har, edertasunaren garrantzia azpimarratu zuen, emozioarekin batera. Jeanloup Sieffen helburua emozio jakin batzuk une jakinetan nola agertzen diren adieraztea zen; haren ustez, gehiegizko ezagutzak emozioak ezkutatzen ditu, eta analisi zorrotzak edertasuna suntsitzen. Erretratua, esaterako, gehien ikusten den gorputz-atalaren, aurpegiaren irudia izaki, egileak nahi dituen sentimenduak eta existitzen ez den edertasuna islatzeko maskara hipokrita zen, haren iritzian, eta horregatik zaletu zen pertsonen ipurdiekin, parterik ezkutuena, kutsurik gabea, soilena delakoan. Horrela, azpimarratzekoak dira Sieffen biluziak, Europako argazkilaritzan iraultza eragin zutenak. Paisaiaren gaia ere landu zuen, maisutasunez, arreta-gune nagusitzat harturik zuri-beltzean oinarrituriko iluminazioa, lurraren testura, erretenek osatzen duten amarauna edo hareazko dunak.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q1686005