Jesus doktoreen artean

'Jesus doktoreen artean'
Jatorria
Sortzailea(k)	Albrecht Dürer
Sorrera-urtea	1506
Mugimendua	German Renaissance (en)
Ezaugarriak
Materiala(k)	olio-pintura eta panel (en)
Dimentsioak	64,3 () × 80,3 () cm ;
Genero artistikoa	arte sakroa
Egile-eskubideak	jabetza publiko
Deskribapena
Iconclass	73B93 eta 48A9876
Kokapena
Lekua	Thyssen-Bornemisza Museoa
Bilduma	Thyssen-Bornemisza Museoa
Inbentarioa	134 (1934.38)
Argumentu nagusia	Jesus among the doctors (en)

Jesus doktoreen artean Albrecht Dürer margolari bavariarraren lana da. 1506an margotu zuen eta gaur egun Madrilgo Thyssen-Bornemisza Museoan ikus daiteke. Margolariak lan hau Venezian egin zuen, hara egin zuen bigarren bidaian, eta bost egunetan osatu zuen.^[1] Margolana egin zen data liburu batetik ateratzen den paper batean irakur daiteke. Espezialisten arabera obra honetan Europa Iparraldeko eta Italiako pizkundeak lotzen dira.

Historia

Margolan hau urtetan Erromako Barberini jauregian egon zen jarrita. Jauregi hori, izena dioen moduan, Barberini familia ospetsuarena zen. 1930. urtearen inguruan Benito Mussoliniren gobernuak Barberinitarren arte-lan batzuk Italiatik kanpora eramateko baimena eman zuen, tartean hau; honekin batera Caravaggioren Santa Katalina Alexandriakoa margolana ere joan zen. Geroztik biak Suitzako galeria batean egon ziren. Azkenik, berriro biak ere Thyssen-Bornemisza familiak erosi zituen eta orduan Dürerren sinadura deskubritu zen margolan honetan. 1992tik Madrilgo Thyssen-Bornemisza Museoan kokatu ziren.

Azterketa

Margolan honek oso beteta dagoela ematen du, jendez gainezka, eta hori lortzeko artistak zazpi erretratu egin zituen, margolan osoa horrela betez; halaber, eskuek presentzia handia dute, eztabaida adierazteko. Guztiak tentsioa eta eztabaidaren sentzazioak trasmititzen ditu. Lanaren oinarria Lukasen Ebanjelioan dago. Horren arabera, Jesus gurasoekin Jerusalemera joan zen eta, gurasoek jakin gabe, hantxe gelditu zen. Konturatu zirenean bueltatu eta tenpluan aurkitu zuten, hango doktoreen artean hitz egiten.

Taldearen erdian Jesus ikusten dugu, gazte irudiarekin, pentsakor. Haren inguruan agertzen diren doktoreen aurpegi batzuek mesfidantza eta Jesusen aurkako jarrera adierazten dute, esaterako haren ezkerrean dagoena. Beste kasu batzuetan interesa eta errespetua antzeman daiteke, adibidez eskuinean dagoenaren aurpegian. Liburuen presentzia, halaber, nabaria da, horren bidez eztabaidaren maila intelektuala adieraziz.

Erreferentziak

↑ Romano, E., ed. (2005). Durero. Los Grandes Genios del Arte, 24.liburuki Madril: Unidad Editorial. 192.or. ISBN 84-96507-00-9.

Kanpo estekak

(Gaztelaniaz): Thyssen-Bornemisza Museoaren webguneko komentarioa.

Datuak: Q2448065
Multimedia: Christ among the Doctors by Dürer / Q2448065

[1] Romano, E., ed. (2005). Durero. Los Grandes Genios del Arte, 24.liburuki Madril: Unidad Editorial. 192.or. ISBN 84-96507-00-9.

[1]