Josselin gaztelua

Wikipedia(e)tik
Hona jo: nabigazioa, Bilatu
Josselin gaztelua
JosselinCJW1.jpg
Josselin gaztelua hemen kokatua: Bretainia
Josselin gaztelua
Josselin gaztelua
Josselin gaztelua (Bretainia)
Kokapena
Herrialdea  Bretainia
Herria Josselin
Koordenatuak 47° 57′ 08″ N, 2° 32′ 51″ W / 47.952361111111°N,2.5475°W / 47.952361111111; -2.5475Koordenatuak: 47° 57′ 08″ N, 2° 32′ 51″ W / 47.952361111111°N,2.5475°W / 47.952361111111; -2.5475
Arkitektura
Garaia 1008-1520
Webgunea
http://www.chateaujosselin.fr/ www.chateaujosselin.fr

Josselin gaztelua (bretainieraz Kastell Josilin eta frantsesez Château de Josselin) Bretainiako Morbihan departamenduko Josselin udalerrian dagoen gaztelu bat da, Bro Gwened lurralde historikoan.

Historia[aldatu | aldatu iturburu kodea]

Guéthénoc bizkondea hasi zen gaztelua eraikitzen 1008 urtearen inguruan. Oust ibaiaren harana zaintzeko harkaitz garai bat aukeratu zuen horretarako. Toki estrategiko bikaina zen, IX mendetik hasia zen erromes bide bat eta honek zekarren merkataritza kontrolatzeko balio baitzuen. Bizkondearen seme Goscelinus-ek jarraitu zuen eraikuntzarekin eta honen izena hartu zuen gotorlekuak, castrum Goscelini. 1108ko agiri batean Castellum Joscelini izena azaltzen da. Henrike II.a Ingalaterrakoak erasotu zuen 1168an eta ondoren 1175an eta azkenean gaztelua behera bota zuen.

Bretainiako oinordekotza gerraren ondoren Olivier de Clisson soldadu bretoiak eskuratu zuen Josselin jaurerria eta gotorleku berria eraikitzea erabaki zuen, aurrekoa baino handiagoa, Dorre nagusi bat eta inguruan beste zortzi izango zituena. 1488an Frantzisko II.a Bretainiako dukeak gaztelua okupatu zuen eta zati batzuk eraitsi egin zituen. Honen alabak, Ana Bretainiakoak berreraiki zuen eta Olivier Clissonen ondorengoa zen Joan II.a Rohangoari eman zion. Honek granitozko aurrealdea egin eta pizkundeko arkitekturan oinarrituz jauregi bihurtu zuen. Italiatik artista eta artisauak ekarri zituen eraikuntzan laguntzeko.

1603an Henrike Rohango dukeak matxinada higanotaren alde egin zuen. Egoitza militarra Pontivyko gazteluan ezarri zuela aprobetxatuz Richelieu kardinalak Josselin eskuratu eta dorre nagusia eta beste lau dorre eraitsi zituen.

XVIII mendetik aurrera bertan behera utzia izan zen eta hurrengo urteetan presondegia eta biltegia izan zen. 1928ko abuztuaren 21an Monumentu Historiko izendatu zuten.

Iruditegia[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Josselin gaztelua Aldatu lotura Wikidatan