Kamixin

Kamixin; Камышин
	hiri handia
	Irudi gehiago
Administrazioa
Estatu burujabe	Errusia
Errusiako oblastak	Volgograd oblasta
Hiri okruga	Kamyshin Urban Okrug
Jatorrizko izena	Камышин
Posta kodea	403870–403895
Geografia
Koordenatuak	50°05′N 45°24′E / 50.08°N 45.4°E
Azalera	81 km²
Altuera	50 m
Demografia
Biztanleria	111.100 (2018ko urtarrilaren 1a); −675 (2017)
Dentsitatea	1.371,6 bizt/km²
Informazio gehigarria
Sorrera	1668
Telefono aurrizkia	84457
Ordu eremua	UTC+04:00 eta UTC+03:00
	admkamyshin.info

Kamixin (errusieraz: Камышин, translit.: Kamixin^[1], Errusiako Volgograd oblasteko hiria da. Volgogradeko urtegiaren eskuineko ertzean dago (Volgaren ibilguan), Kamixinka ibaiaren estuarioan. Oblasteko hiriburua den Volgogradetik 167 km iparraldera eta Saratovetik 175 km hegoaldera dago. 2009an, 117.297 biztanle zituen^[2].

Historia[aldatu | aldatu iturburu kodea]

Volgako mapa errusieraz. Bertan, Kamixin (Камышин) agertzen da bere behe ibilbidean

XX. mendearen hasiera, Kamixingo Volgaren bazterra

Kamixin 1667an sortu zen Kamixinka ibaiaren ezkerraldean. Ingurua antzinatik da famatua Don eta Volga arroen arteko lurreko pasabide azkarra izateagatik itsasontzientzako, Kamixinka (Volgaren ibaiadarra) eta Ilovlia ibaiaren (Donaren ibaiadarra) iturburuak 4 km-ra baino ez daudelako. Beraz, konexio hori khazariarren herrialdearen aurkako inbasio bide bat izan zen. XVI. mendean, Selim II.a sultan turkiarra, leku horretan ubide bat eraikitzen saiatu zen. Urte batzuk geroago, Pedro I.ak gauza bera egiten saiatuko zen, zeinak, langileak babesteko, gotorleku bat eraiki zuen. 1710ean, biztanleria osoa kontrako ertzean kokatutako gotorlekura joan zen. Herriak Dmitrievsky zuen izena. 1780an, Kamixin izatera pasatu zen, eta, Katalina II.aren borondatez, hiri estatusa jaso zuen. XIX. mendean, hiria merkataritza-herri bilakatu zen zerrategi eta haize-errotekin. Aspalditik famatua da sandia ekoizteagatik.

Geografia[aldatu | aldatu iturburu kodea]

Klima[aldatu | aldatu iturburu kodea]

Datu klimatikoak ()
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Erregistraturiko tenperatura maximoa (°C)	12.3	10.8	19.8	28.6	36.6	39.8	41.5	41.2	39.3	27.7	16.8	9.7	41.5
Batez besteko tenperatura maximoa (°C)	-5.4	-5.1	1.6	14.1	21.8	27.0	29.5	27.7	20.7	11.5	2.4	-3.2	11.9
Batez besteko tenperatura (ºC)	-8.3	-8.4	-2.0	9.1	16.3	21.5	23.9	22.2	15.7	7.5	-0.4	-5.9	7.6
Batez besteko tenperatura minimoa (°C)	-11.2	-11.7	-5.6	4.1	10.8	15.9	18.2	16.6	10.7	3.6	-3.2	-8.5	3.3
Erregistraturiko tenperatura minimoa (°C)	-31.7	-32.1	-24.2	-9.2	-1.1	4.2	6.0	3.8	-12.1	-11.1	-25.0	-26.7	-32.1
^{[erreferentzia behar]}

Demografia[aldatu | aldatu iturburu kodea]

bilakaera demografikoa
1897	1939	1970	1989	2002	2009
15.900	24.000	97.000	122.500	127 891	117 297

Pertsona ospetsuak[aldatu | aldatu iturburu kodea]

Viktor Txernov (1873 - 1952), politikaria.
Aleksei Maresiev (1916 - 2001), Bigarren Mundu Gerran sobietar hegazkinlari aparta.
Denis Kolodin (*1982 -), futbolaria.