Kataluniako Errepublika

Kataluniako errepublika; República Catalana
	1641 – 1652; 1810 – 1814; 1873 – 1873; 1931 – 1934; 2017 –
	Errepublika
Geografia
Hiriburua	Bartzelona
Ekonomia
Dirua	Croat (1641), peseta
Kultura
Hizkuntza(k)	katalana
Historia
Lehen aldarrikapena	1641ko urtarrilaren 16a
Azken aldarrikapena	2017ko urriaren 27a
	Kataluniako printzerria
	Borboien Monarkia Absolutua
	Espainiako Lehen Errepublika
	Borboien berrezarkuntza
	Espainiako Bigarren Errepublika
	Kataluniako Autonomia Erkidegoa
Kataluniako printzerria
Frantziako Lehen Inperioa
Espainiako Lehen Errepublika
Espainiako Bigarren Errepublika
Espainiako Bigarren Errepublika

Artikulu hau Kataluniako historian izan diren errepublikei buruzkoa da; 2017an aldarrikatutakoari gaitzat duena beste hau da: «Kataluniako Errepublika (2017)»

Kataluniako Errepublika (katalanez: República Catalana) edo Katalan estatua (katalanez: Estat Català) Kataluniak historian zehar izan duen izenetako bat da, estatu gisako aldarrikapen burujabeak izan dituenean. Era berean Kataluniar independentismoaren helburu politiko nagusia da. 2017ko urriaren 27ean Kataluniako parlamentuak errepublika aldarrikatu zuen, 2017ko Kataluniaren independentzia erreferendumaren emaitzek hala aginduta.

Bost aldarrikapen

Kataluniak bere burua Espainiatik bereizitako entitate politiko gisa bost aldiz aldarrikatu du historian zehar:

1641an Pau Clarisen Braços Generals izan zen lehenengoa.
Napoleon Bonapartek 1810ean Katalunia Espainiatik bereiztu zuen, errepublika gisa, gero Frantzian barneratzeko.
1873an Baldomer Lostauk aldarrikapena egin zuen, Espainiako Lehen Errepublikaren barruan.
Espainiako Bigarren Errepublikan Francesc Maciàk 1931n eta Lluís Companys 1934an Kataluniako errepublika aldarrikatu zuten.

Espainiako Erresumatik banatzeko, Kataluniako Parlamentuak 2017ko urriaren 27an Kataluniako Errepublika aldarrikatu zuen.

2015eko azaroan Kataluniako parlamentuak mozio bat onartu zuen 2017a bukatu aurretik errepublika independiente gisa bere burua aldarrikatzeko, independentzia erreferenduma irabaziz gero. Erreferenduma urte horretako urriaren 1ean egin zen eta hartan baiezko bozak %90,18tara heldu ziren. Carles Puigdemont presidentak Kataluniako parlamentari eskatu zion indepentzia aldarrikapen ofiziala atzeratzea, Espainiako gobernuarekin erreferendumaren emaitzen ezarpena negoziatzeko^[1]. Negoziazio nabarmenik ez zen geratu eta, beraz, Parlamentauk errepublika onetsi eta Kataluniako Errepublika aldarrikatu zuen urriaren 27ean.