Carles Puigdemont

Wikipedia, Entziklopedia askea
Hona jauzi: nabigazioa, Bilatu
Carles Puigdemont
Retrat oficial del President Carles Puigdemont (cropped).jpg
Kataluniako Parlamentuko diputatua

2018ko urtarrilak 17 -
Barrutia: Barcelona
Hautaketa: Catalan regional election, 2017
130. Kataluniako Generalitateko presidentea

2016ko urtarrilak 12 - 2017ko urriak 27
Artur Mas
Kataluniako Parlamentuko diputatua

2015eko urriak 26 - 2017ko urriak 27
Barrutia: Girona
Hautaketa: 2015eko Kataluniako Parlamentuko hauteskundeak
2. Kataluniako Independentziaren Aldeko Udalerrien elkarteko presidente

2015eko uztailak 17 - 2016ko urtarrilak 15
Josep M. Vila D'Abadal Serra - Josep Andreu Domingo
Kataluniako Parlamentuko diputatua

2012ko abenduak 17 - 2015eko uztailak 24
Barrutia: Girona
Hautaketa: 2012ko Kataluniako Parlamentuko hauteskundeak
97. Gironako alkate

2011ko uztailak 1 - 2016ko urtarrilak 11
Anna Pagans i Gruartmoner - Albert Ballesta i Tura
Kataluniako Parlamentuko diputatua

2010eko abenduak 16 - 2012ko irailak 27
Barrutia: Girona
Hautaketa: 2010eko Kataluniako Parlamentuko hauteskundeak
Gironako udaletxeko zinegotzi

2007ko ekainak 16 - 2016ko urtarrilak 11
Hautaketa: Spanish local and regional elections 2007
Kataluniako Parlamentuko diputatua

2006ko azaroak 17 - 2010eko irailak 22
Barrutia: Girona
Hautaketa: Catalonian parliamentary election, 2006
Bizitza
Jaiotza Amer1962ko abenduaren 29a (55 urte)
Herrialdea  Katalunia
Bizilekua Berlin
Girona
Sant Julià de Ramis
Brusela
Familia
Aita Xavier Puigdemont
Ama Núria Casamajó
Ezkontidea(k) Marcela Topor  (ekaina 2000 -
Hezkuntza
Heziketa University College of Girona
Hezkuntza-maila Batxilergoa
Hizkuntzak katalana
gaztelania
ingelesa
frantsesa
errumaniera
Jarduerak
Jarduerak kazetaria, militante politikoa eta politikaria
Lantokia(k) Bartzelona eta Girona
Enplegatzailea(k) Catalonia Today
El Punt  (1982 -
Agència Catalana de Notícies  (1999 -  2002)
Casa de Cultura de Girona  (2002 -  2004)
Lan nabarmenak Cata… què?
Kidetza Kataluniako Kazetarien Kolejioa
Kataluniako Gaztedi Nazionalista
Sinesmenak eta ideologia
Alderdi politikoa Kataluniako Konbergentzia Demokratikoa
Europako Kataluniako Alderdi Demokrata
IMDb nm4479759
http://www.carlespuigdemont.cat/
Signatura Carles Puigdemont.svg

Carles Puigdemont i Casamajó (Amer, 1962ko abenduaren 29) politikari eta kazetari katalana. Convergència Democràtica de Catalunya alderdiaren militantea, 2011tik Gironako alkatea izan zen eta 2006tik Kataluniako Parlamentuan diputatua. Gaur egun, Junts pel Sí talde parlamentarioaren partaidea da. 2016ko urtarrilaren 9an CUP eta Junts pel Sí arteko negoziazione ondorioz, Kataluniako Generalitatearen presidentea izateko hautagi bihurtu zen, Artur Masek kandidato izateari uko egin ondoren.

2016ko urtarrilaren 10ean Kataluniako Generalitateko presidente izendatua izan zen, historia osoko 130.a, CiUko haren alderdikide eta ordu arteko presidente Artur Masen ordez.

Marcela Topor kazetari errumaniarrarekin ezkonduta dago eta bi alaba ditu.

Lana kazetaritzan[aldatu | aldatu iturburu kodea]

Oinarrizko ikasketak Amerren eta Collell barnetegian egin zituen (Girona). Kazetari moduan oso gazte hasi zen: hamasei urterekin, Los Sitios egunkariaren korrespontsala izan zen Gironan. Filologia ikasketak hasi eta utzi ondoren, kazetaritzan aritzeko. 1981ean, El Punt hasi zen lanean, erredaktoreburu izan arte. Presència aldizkarian ere lan egin zuen. 1994an Cata... què? Catalunya vista per la premsa internacional liburua argitaratu zuen.[1] Lan horretan, Kataluniari buruzko erreferentziak mundu osoko prentsan bildu zituen. 1999an, Generalitatearen enkarguz, Agència Catalana de Notícies (ACN) sortu eta zuzendu zuen 2002 arte. 2004an Catalonia Today egunkariaren zuzendaritza eraman zuen.[2]: hedabide horren helburua Kataluniako informazioa ingelesez zabaltzea zen. 2006an kazetaritza utzi zuen, politikan murgiltzeko.

Ibilbide politikoa[aldatu | aldatu iturburu kodea]

Lehenengo urteak[aldatu | aldatu iturburu kodea]

Puigdemont 2015ean.

2006an, Kataluniako Parlamenturako hautatu zuten Gironan. 2007an Gironako alkatetzarako hautagaia izan zen baina ez zuen irabazi. 2011ren uztailaren 1eko hauteskundeetan, aldiz, irabazi egin zuen eta alkate izan zen: garaipen horrek PSCren ordu arteko hegemonia amaitu zuen.[3]

2015eko uztailean, Associació de Municipis per la Independència izenekoaren presidente izendatu zuten. Kataluniako Parlamenturako 2015eko hauteskundetan, Junts pel Sí koalizioaren Gironako zerrendan hirugarren postuan aurkeztu zen eta berriz ere diputatu akta eskuratu zuen.

2016tik aurrera[aldatu | aldatu iturburu kodea]

2016ko urtarrilean Kataluniako Generalitatearen presidente izendatu zuten, Artur Mas alderdikidea ordezkatuz. 2017ko urriaren 1eko erreferendumaren ostean, Kataluniako independentzia eta errepublika berriaren ezarpena aldarrikatu zituen Legebiltzarrean urriaren 27an, han zeukaten gehiengo politikoaren sostenguarekin, aldeko 70 botorekin alegia.[4] Espainiaren batasunaren alde, hango Gobernua eta oposizioko bi alderdi nagusiek lege bat aprobatu zuten Katalunian hartutako erabakiak bertan behera uzteko, kartzela zigorrak eta kargugabetze politikoak ekartzen zituena. Nazioartean, krisialdiak oihartzun handia eduki bazuen ere, Kataluniako Legebiltzarraren aldarrikapena ez zuen izan sostengu argirik.

Mehatxu politiko eta judizial hauengatik Carles Puigdemont erbesteratu nehar izan zen Belgikan, Clara Ponsatí, Antoni Comín, Lluís Puig eta Meritxell Serret kontseilariekin batera. 2017ko abenduan egindako hauteskundeetan, Junts per Catalunya plataformaren hautagai burua izan zen, bigarren postuan gelditzen. Hala ere, errepublikarrek mantendutako gehiengoari esker, presidentearen kargurako izendatu zuten, espainiar botereek onartu ez zutena. Bitartean, Europan zehar Katalunian bizi den krisialdi soziopolitikoa eta errepresioa azaltzen ibili da: 2018ko urtarrilean bidaiatu zen Suitza eta Danimarkara, eta Kopenhageko unibertsitatean parte hartu zuen mahai inguru batean.[5] Urte horretako martxoan, bestela, Finlandiako legebiltzarrean egon zen hitzaldiak ematen eta bere herrialdeko egoeraz lehenengo eskutik informatzen[6]

Bruselarantz itzultzean, Espainiak bidalitako euroaginduari men eginez, Alemanian poliziak atxilotu eta kartzelan modu prebentiboan sartu behar izan zuten, Schleswig-Holstein ipar-mendebaldeko estatuan. Egun batzuk geroago, apirilaren 5ean askatu zuten baldintzapean, espainiar epailearen iritziz zegoen ustezko matxinada delitua alemaniar epaileak baztertuta eta estradizioa ukatuta[7] Alemaniako Justizia ministroa eta hainbat komunikabide eta alderdi politiko erabakiaren alde agertu ziren. Bitartean, Clara Ponsatí kontseilaria Eskoziatik estraditatzeari uko egin zion hango botere judizialak halaber. Gauza bera gertatu zen Belgikan Antoni Comín, Lluís Puig eta Meritxell Serret kontseilariekin ere bai. Egun haietan, gainera, Portugalgo legebiltzarrean Katalunia eta Espainaren arteko auzia bide politikoetatik konpontzearen alde agertu ziren gehiengoz.

Irudi galeria[aldatu | aldatu iturburu kodea]

Ikus, gainera[aldatu | aldatu iturburu kodea]

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Carles Puigdemont