Kingsman: The Secret Service

Kingsman: The Secret Service
Jatorria
Argitaratze-data	2014
Izenburua	Kingsman: The Secret Service
Jatorrizko hizkuntza	ingelesa
Jatorrizko herrialdea	Ameriketako Estatu Batuak eta Erresuma Batua
Banatze bidea	deskarga digitala eta eskatu ahalako bideo
Ezaugarriak
Genero artistikoa	espioitza-filma, ekintza-filma, film komikoa, action comedy film (en) eta krimenezko filma
Iraupena	129 minutu
Kolorea	koloretakoa
Telesaila	Kingsman (en)
Deskribapena
Oinarritua	The Secret Service (en)
Grabazio lekua(k)	Londres eta Hertfordshire
Zuzendaritza eta gidoia
Zuzendaria(k)	Matthew Vaughn (en)
Gidoigilea(k)	Jane Goldman (en) ; Matthew Vaughn (en) ; Mark Millar; Dave Gibbons (en)
Antzezlea(k)
	Colin Firth (Harry Hart (en) ); Taron Egerton (Gary Unwin (en) ); Michael Caine ; Samuel L. Jackson ; Sofia Boutella ; Jack Davenport ; Mark Strong ; Mark Hamill ; Samantha Womack (en) ; Velibor Topic ; Geoff Bell (en) ; Ralph Ineson (mul) ; Sophie Cookson (en) ; Bjørn Floberg ; Hanna Alström (en) ; Richard Brake ; Corey Johnson ; Damien Walters (en) ; Edward Holcroft ; Tom Prior (en)
Ekoizpena
Ekoizlea	Adam Bohling (en) ; David Reid (en) ; Matthew Vaughn (en)
Konpainia ekoizlea	Marv Studios (en) ; 20th Century Fox
Ekoizle eragilea	Dave Gibbons (en)
Edizioa	Conrad Buff IV (en) ; Eddie Hamilton (en) ; Jon Harris (en)
Bestelako lanak
Musikagilea	Henry Jackman; Matthew Margeson (en)
Argazki-zuzendaria	George Richmond
Jantzi-diseinatzailea	Arianne Phillips
Fikzioa
Kontakizunaren tokia	Londres, Ekialde Ertaina, Argentina eta Kentucky
Argumentu nagusia	terrorismoa
	kingsmanmovie.com

Kingsman: The Secret Service 2014an estreinatutako komedia, akzio eta espioitza film britaniar-estatubatuarra da. Matthew Vaughnek zuzendu zuen, Dave Gibbons eta Mark Millarren The Secret Service komikian oinarrituta dago. Gidoia Matthew Vaughn eta Jane Goldmanek idatzi zuten. Istorioak agente sekretua izatera iritsiko den Gary "Eggsy" Unwin (Taron Egerton) nola errekrutatu eta prestatzen duten kontatzen du. Eggsyren misioa mundu mailan arriskutsua den Richmond Valentine (Samuel L. Jackson) menderatzea da. Filmaren protagonistak Colin Firth, Mark Strong eta Michael Caine ere badira.

Kingsman: The Secret Service urtero ospatzen den Butt-Numb-A-Thon maratoian estreinatu zen 2014ko abenduaren 13an eta 2015eko urtarrilaren 29an Erresuma Batuan. Alde batetik pelikulak kritika positiboak jaso zituen zine kritikoen eskutik, akzio sekuentzia ederrak, interpretazioa eta humore beltza dela eta. Hala ere, eszena bortitz eta sexual batzuk kritikatuak izan ziren, gehiegizkoak zirelako. Pelikulak 414 milioi dolar baino gehiago bildu ditu mundu osoan zehar, orain arteko Vaughnen pelikula arrakastatsuena bilakatuz. 2015ean Britaniar onenaren Empire Awarda irabazi zuen.

Kingsman: The Golden Circle (2017) eta The King's Man (2021) jarraipenak dauzka.

Argumentua

Kingsmanen agante sekretu bat hiltzen denean, bere postua beste pertsona batek betetzen du. Gainerako kideek hautagai bat proposatu behar dute, eta horietako bat aukeratuko da. Oraingoan, Galahad agenteak (Colin Firth) lankide ohi baten semea proposatzen du: Eggsy (Taron Egerton). Bitartean Valentine (Samuel L. Jackson) milioiduna mundu osoa arriskuan jarriko duen plan bat prestatzen ari da. Bestalde, Kingsmanek Valentineren plana argitu eta ekidin behar dute.

Aktoreak

Colin Firth: Harry Hart / Galahad
Samuel L. Jackson: Richmond Valentine
Mark Strong: Merlino
Taron Egerton: Gary "Eggsy" Unwin
Michael Caine: Chester King / Artù
Sophie Cookson: Roxanne "Roxy" Morton
Sofia Boutella: Gazelle
Mark Hamill: Professor James Arnold
Jack Davenport: Lancillotto
Samantha Womack: Michelle Unwin
Geoff Bell: Dean
Edward Holcroft: Charles "Charlie" Hesketh
Hanna Alström: Tilde printzesa
Jack Cutmore-Scott: Rufus Saville
Bjørn Floberg: Suediar lehen ministroa
Fiona Hampton: Amelia
Tobi Bakare: Jamal
Morgan Watkins: Rottweiler

Produkzioa

Mark Millar eta Vaughn espioitza pelikulez eztabaidatzen ari ziren, urteak pasa ahala generoa oso serioa bihurtu dela esanez. Beraz, espiotzako film “dibertigarri” bat egitea erabaki zuten. Vaughnek pelikula hau egiteko denbora izateko X-Men: Days of Future Past filma zuzentzeari uko egin behar izan zion. Hasiera bateanzabaldu zen Leonardo DiCaprio izan zitekeela filmeko gaizkilea, bainak Vaughnek hau gezurtatu zuen. 2013an Vaughnek Sophie Cookson aukeratu zuen emakumezko protagonista gisa eta Mark Hamill James Arnold Irakaslearen kameo bat egiteko aukeratua izan zen.

Errodajea

Filmaketa 2013ko urriaren 6an hasi zen, Deepcut-en, Surrey. Filmak Skyfall pelikulak izandako aurrekontuaren herena izango zuela iragarri zen. Camdeneko Alexandra Roadeko eraikin bat erabili zen Eggsyren etxea irudikatzeko eta hainbat eszena Imperial College Londonen filmatu ziren. Kenningtoneko The Black Prince Pub borrokako eszenak eta auto pertsekuzioak filmatzeko erabili zen, Savile Row (Mayfair) ere erabili zen kanpo lokalizazio gisa. Huntsman jostundegiak arropak egin zituen eta James Lock & Co. txapelak egin zituen. Bestalde, Adele, Elton John, Lady Gaga, edota David Beckhamen kameoak egongo zirela zioten zurrumurruak zabaldu baziren ere, zurrumurru faltsuak izan ziren.

Musika

2014ko maiatzean, Henry Jackman y Matthew Margesonek filmaren musika konposatuko zutela jakin zen eta uztailean iragarri zen Gary Barlowek soinu banda idatziko zuela. Gainera Take That taldearen zazpigarren diskako Get Ready for It abestia amaierako kredituetan entzuten da.

Kanpo estekak

IMDBko fitxa irakurgai (Ingelesez)

Datuak: Q15068238
Multimedia: Kingsman: The Secret Service / Q15068238