Kreazionismo

Wikipedia(e)tik
Hona jo: nabigazioa, Bilatu

Kreazionismoa erlijio dogmatan oinarritutako sinesmen bat da. Kreazionistek Lurra eta izaki bizidun guztiak Jainkoren batek sortu zituela esaten du, eta guztiek izaera teleologiko bat dute, hau da, helburu bat plan orokor batean.[1]

Darwin-ek eboluzioaren teoria plazaratu zuen une beretik, Iparrameriketako erlijio-fundamentalistak eboluzionismoaren kontrako gatazkan ari dira; deabruaren lana eta materialismo komunistaren Troiako zaldia dela kontsideratzen bait dute. Beraien arabera, Bibliak esandakoa ere (edo beraiek interpretatutakoa) irakatsi behar da eskoletan. Bibliaren esanei jarraituz, munduak lau mila urte baino ez lituzke izango eta animalia guztiak eta landare guztiak Jainkoak sortutakoak eta Noek uholdetik salbatutakoak izango lirateke. Kreazionisten jarrera hau nahikoa aurrerakoia da mendearen hasieran kreazionismoaren irakaskuntza soila defendatzen zutela kontutan hartzen ez badugu. 1981.ean Iparrameriketako kongresuak Balance Treatament Act delakoa aprobatu zuenean, kreazionistek gudua irabazita zutela zirudien. Lege horren arabera, bi ikuspuntuak orekatsuki irakatsi behar ziren eskoletan. Baina lege hori errekurritua izan zen Goi-Gortean eta tribunal honek baliorik gabe utzi du. Goi-Gortearen arabera kreazionismoa sinesmen erlijiosoa da eta eboluzionismoa zientzia. EEBBtako konstituzioaren arabera legeak sinesmen erlijioso jakin bat bultzatzerik ez duenez, legea antikonstituzionala da. Erabaki honi esker 1927.ean gertatutakoa ez errepikatzea lortuko da. Orduan, Tennesse-ko estatuak Scopes izeneko natur zientzien irakaslea auzitara eraman zuen eboluzionismoa irakasteagatik.


Definizio honetan ez dira sartzen bakarrik Abrahamen erlijioak, argudio sasi-zientifikoak emanez eboluzioaren aurka agertzen diren guztiak ere sartzen dira.[2]

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Kreazionismo Aldatu lotura Wikidatan
  1. Hayward, James L. (1998), The Creation/Evolution Controversy : an Annotated Bibliography, Scarecrow Press/Salem Press, ISBN 0-8108-3386-7
  2. Ayala, Francisco J. (2007), Darwin y el Diseño Inteligente, Alianza Editorial, ISBN 978-84-206-4822-4