La Cumbre jauregia

Wikipedia, Entziklopedia askea
La Cumbre jauregia
Kokapena
Koordenatuak43°19′N 1°59′W / 43.31°N 1.99°W / 43.31; -1.99Koordenatuak: 43°19′N 1°59′W / 43.31°N 1.99°W / 43.31; -1.99
Arkitektura

La Cumbre jauregia Gipuzkoako Donostia hiriburuan dagoen jauregi bat da. Aiete auzoko Baenako Dukea pasealekuan dago. Nagusiki, 1983an GALek Lasa eta Zabala tolosar gazteak torturatuak izan ziren lekua izateagatik ezaguna da.

Gaur egun oraindik ere Baenako Dukearen pasealekutik jauregirako sarbidean zaintza garita bat ikusgai dago.

Eraikina[aldatu | aldatu iturburu kodea]

Euskal estiloko arkitektura du eta ia 12.000 metro karratuko lursailak ditu.

Historia[aldatu | aldatu iturburu kodea]

1862an eraiki zuen Jose Maria Arbulu ingeniari bergararrak, San Antonioko Algodoneraren jabearen iloba zen eta, ondorioz, diruduna. 1877an ehungintzaren nagusia hil zen Martina Maiz alargunak erosi zion, bertan bizitzeko. 1891an hil eta oinordekoak ez izanik, Tovarreko Dukeak erosi zuen, 1892an. 1944an Tovarreko dukearen ondorengo baten eskuetan geratu zen baina hau, Marokon militarra izanda, ez zen bertaratzen. 1953an, hil zenean, jabegoa herentzia gisa Tanger hiriaren eskuetan geratu zen. Tangerrek Espainiako estatuari saldu zion 1957an.[1]

Diktadura frankistan La Cumbre jauregia Franko diktadoreak Donostiara udaldia igarotzera bertaratzean harekin batera zetorren Barne Ministroaren bizileku zen, Franko Aieteko jauregian bizi zen bitartean.

Oraindik Frankismoaren Diktadura garaian, 1973an, Joan Karlos Espainiakoa eta Sofia Greziakoa printze-printzesen bisitaldi ofizialean haien egoitza izan zen. 1981ean Donostiara burututako gau bateko bisitaldian ere bertan lo egin zuten. Ordutik, Miramar jauregiko altzariak La Cumbren daude. 1987tik Espainiako Gobernuaren Gipuzkoako ordezkariordearen bizitokia da. [2]

1983. urtean, Lasa eta Zabalaren bahiketa eta hilketa jazo zen garaian, Espainiako Barne Ministerioaren jabetzako eraikina izan zen. Ondoren, Gipuzkoako Espainiar Gobernadore Zibilaren egoitza izatera igaro zen[3]

Zinema[aldatu | aldatu iturburu kodea]

2014an Pablo Malok zuzendutako Lasa eta Zabala filmaren eszena batzuk jauregi honetan filmatu nahi izan ziren, baina Espainiako Gobernuaren Gipuzkoako azpiordezkaritzak ez zuen baimenik eman[4][5].

Ikus gainera[aldatu | aldatu iturburu kodea]

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]