Ladakh

Wikipedia, Entziklopedia askea
Jump to navigation Jump to search
Ladakh
 India
Tanglanglapass.jpg
Flag of the Ladakh Nationalist Movement.svg
Administrazioa
Herrialdea India
ISO 3166-2 IN-LA
Hiriburua Leh
Geografia
Koordenatuak 34° 08′ 36″ N, 77° 31′ 06″ E / 34.14333°N,77.51833°E / 34.14333; 77.51833Koordenatuak: 34° 08′ 36″ N, 77° 31′ 06″ E / 34.14333°N,77.51833°E / 34.14333; 77.51833
Ladakh locator map.svg
Azalera 59.196 km²
Mugakideak Jammu and Kashmir (en) Itzuli eta Himachal Pradesh
Demografia
Biztanleria 274.289 bizt. (2011)
Dentsitatea 4,63 bizt/km²
Ordu eremua UTC+05:30
ladakh.nic.in

Ladakh ("mendate altuetako lurraldea") Jammu eta Kaxmir estatuko hiru eskualdeetako bat da, Siachen glaziarra eta Karakorum artean kokaturik. Indus ibaiak zeharkatzen du, Tibetetik etorrita. Bere biztanleen kultura tibetarrekin lotura estua du.[1]

60.000 km² inguruko azalera dauka eta 275.000 bat biztanle, gehienak budistak direlarik, gutxiengo musulmanarekin. Leh da hiriburua (30.870 biztanle 2011an), eta bigarren hiri nagusia Kargil da (16.338). Klima oso muturrekoa da urtaro batetik bestera. Politikoki, lurralde ezegonkor batean dago kokatuta, India, Pakistan eta Txina artean. Aksai Chin mugako lurraldearekin gatazka nagusia da.

Bost zonaldetan dago banatuta: Ladakh, Nubra, Zanskar, Rupshu eta Kargil.

Barrutiak[aldatu | aldatu iturburu kodea]

Hona hemen bere barrutiak:

Barrutia Hiriburua Azalera (km²) Biztanleria
2001eko errolda
Biztanleria
2011ko errolda
Kargil barrutia Kargil 14.036 119.307 143.388
Leh barrutia Leh 45.110 117.232 147.104

Historia[aldatu | aldatu iturburu kodea]

Erdi Aroan, musulmanen inbasioa jasan zuten, XIII. mendetik XVI. menderaino. Orduan sortu zuten Namgyal dinastia, Bhagan erregearen eskutik, gaur egun arte iraun duena.

XVI. mendearen amaieran Baltiek konkistatu zuten lurralde hau. Hurrengo mendean, Tibeten aurkako gerran sartu ziren, Bhutanen alde kokatuz. XX. mendean eratu zuten gaur egungo estatua, Jammu eta Kaxmirrekoa.

2010eko Pakistango uholdeek gogor jo zuten lurraldea.

Geografia[aldatu | aldatu iturburu kodea]

Argazki panoramikoa.

Lurralde mugakideak ditu Ladakh-ek iparraldean Baltistan eta Xinjiang (Txina), ekialdean Aksai Chin eta Xinzang (Tibet), hegoaldean Himachal Pradesh, hego-mendebaldean Punjab (Pakistan) eta mendebaldean Baltistan berriro ere.

Zazpi mila metroko mendiak daude zonalde honetan, Nun (7.135 m) eta Kun (7.077 m). 1953an lehehengo aldiz igo zuten bietako altuena, Bernard Pierre eta Pierre Vittoz-ek gidatutako espedizio frantziar-suitzar batek egindakoa.

Irudi galeria[aldatu | aldatu iturburu kodea]

Erreferentziak[aldatu | aldatu iturburu kodea]

  1. Gillespie, A.. (2007). Ivana Marková & Alex Gillespie ed. In the other we trust: Buying souvenirs in Ladakh, north India. in: Trust and distrust: Sociocultural perspectives. Greenwich, CT: Information Age Publishing, Inc..

Kanpo estekak[aldatu | aldatu iturburu kodea]