Lemmy (softwarea)
 Lemmy | |
|---|---|
| |
| Jatorria | |
| Sorrera-urtea | 2019 |
| Argitaratze-data | 2019 |
| Azken bertsioa | 0.19.3 |
| Honen izena darama | Lemmy Kilmister, Lemmings, Lemmy Koopa (en)  eta leming |
| Ezaugarriak | |
| Programazio-lengoaia | Rust eta TypeScript (en) |
| Egile-eskubideak | copyrightduna |
| Lizentzia | GNU Affero General Public License, version 3.0 (en) |
| Deskribapena | |
| Honen parte da | Fedibertso |
| Fikzioa | |
| Erabiltzen du | Actix (en) , TypeScript (en) , ActivityPub eta Rust |
| Euskaraz | |
| Euskaraz | Bai |
| Lemmy.eus | |
    | |
| Iturri-kodea | https://github.com/LemmyNet/lemmy eta https://codeberg.org/LemmyNet/lemmy |
Lemmy gizarte-markatzaileei, foroei eta albiste batzaileei ostatu emateko software librea da. Esteken bilketak edo bildumak egiteko eta instantzia deszentralizatuak sortzeko balio du baita ere.
Lemmy Reddit, Lobste.rs edo Hacker News bezalako guneen antzekoa izateko sortu zen, baina erabat libre eta deszentralizatua izateko. Erabiltzaileen intereseko foroak, posta hariak eta eztabaida irekietan harpidetza egiteko aukera eskaintzen du, eta gainera iruzkinetan bozkatzeko eta iruzkin berriak gehitzeko aukera dago. Botoen arabera iruzkinak gora edo behera mugituko dira eta horrela boto gehien dauzkaten iruzkinek ikusgarritasun handiagoa lortuko dute.
Foroetan galderak, hausnarketak, iruzkinak edo esteka interesgarriak parteka daitezke. Eta besteen galderak, hausnarketak, iruzkinak eta bidalketak, oro har, gora edo behera mugi daitezke, pixkanaka-pixkanaka, botoen indarrarekin.
Jakintza nahikoa daukan edonork har dezake zerbitzari batean ostatu eta instantzia berri bat sortu. Instantzia horiek guztiak federatuak dira, eta fedibertsoari loturik daude.
Hainbat sistema eragile[1] eta web nabigatzailerekin erabil daiteke.
Izena[aldatu | aldatu iturburu kodea]
Garatzaileek honela azaltzen dute izena[2]:
- Motörhead taldeko abeslariaren omenez.
- Eskola zaharreko Lemmings bideo jokoa.
- Super Mario bideo jokoko pertsonaia[3].
- Karraskari belarjale handiak.[4]
Euskaraz[aldatu | aldatu iturburu kodea]
Software librea izanik, hizkuntza paketea edozein hizkuntzatara itzultzeko aukera[5] zabalik dauka. Boluntario batzuek[6] mantentzen dute euskarazko lokalizazioa.
Hizkuntza paketea euskarara ekartzeaz gain, Lemmy.eus instantzia sortu dute[7] eta komunitatearen esku, erabat irekita utzi dute.
Erreferentziak[aldatu | aldatu iturburu kodea]
- ↑ «App | Lemmy.eus» kaixo.lemmy.eus (Noiz kontsultatua: 2021-02-25).
- ↑ «About - Lemmy Documentation» join.lemmy.ml (Noiz kontsultatua: 2021-02-25).
- ↑ (Ingelesez) «Lemmy Koopa» Super Mario Wiki (Noiz kontsultatua: 2021-02-25).
- ↑ (Ingelesez) «Lemming – The Little Giant Of The North» SunChild International Environmental Festival (Noiz kontsultatua: 2021-02-25).
- ↑ (Ingelesez) «Contributing - Lemmy Documentation» join.lemmy.ml (Noiz kontsultatua: 2021-02-25).
- ↑ «Lemmy - Librezale.eus» librezale.eus (Noiz kontsultatua: 2021-02-25).
- ↑ Aipuaren errorea: Konpondu beharreko erreferentzia kodea dago orri honetan:
ez da testurik eman
#1izeneko erreferentziarako
