Limonada

Limonada limoi, ur eta azukrez egindako edaria da, alkoholdun edo alkohol gabekoa. Europako herrialde askotan, Alemanian adibidez, freskagarriaren sinonimo bilakatu da, bestetan gaseosari gertatu zaion moduan.

C bitaminaren iturria izan arren, azukre asko izateak bere onurak gutxitzen ditu.

Historia[aldatu | aldatu iturburu kodea]

Limoiak eta azukre-kanabera Indian jatorria duenez, lehendabizikoz bertan edan zutela esan dezakegu, izan ere, egun hitzez hitz limoi-ur esan nahi duen Nimbu Pani eta Shikanjvi antzeko edariak hartzen dituzte.

K.a. 1000 inguruan, Antzinako Egipton lehenengo aipamen idatzia agertu zen. Edonola ere, K.a. 700 inguruan ekarri zituzten limoiak Asiatik.^[1]