Louis Mardochée Lévy

Wikipedia, Entziklopedia askea
Jump to navigation Jump to search
Louis Mardochée Lévy
Bizitza
Jaiotza Baiona1884ko abuztuaren  8a
Herrialdea  Lapurdi, Euskal Herria
Heriotza Maizy1915eko urtarrilaren  15a (30 urte)
Heriotza modua heriotza zigorra: fusilamendua
Jarduerak
Jarduerak ile-apaintzailea
Zerbitzu militarra
Adar militarra Frantziako Lurreko Armadaren 49. infanteria-erregimentua
Parte hartutako gatazkak Lehen Mundu Gerra

Louis Mardochée Lévy Baionan sortu zen 1884ko abuztuaren 8an[1] eta 1915eko urtarrilaren 15ean fusilatu zuten Maizyn (Aisne departamentua, Frantzia). David Lévy eta Bertha Vaez Olivera Baionako Saint Esprit auzoko auzoko judutar familia ezagunen semea zen.

Lehen mundu gerra edo gerla handia hasi aitzin Baionako Sain Esprit auzoko Sainte Catherine kaleko 10.eko gurasoen ile-apaindegian[2] lan egiten zuen, harik eta beste hainbat gazte bezala gerra horretan parte hartzera behartu eta 49. infanteria-erregimentuan 1553 errekluta zenbakiarekin enrolatu zen arte[3].

1914ko abenduaren 28ko gauean bere postua utzi zuen, eta desertore izateaz akusatua preso hartu eta 1915eko urtarrilaren 14ean gerra kontseilu batetik pasarazi zuten. Biharamunean fusilatu zuten.

1932ean bere aitak, David Lévy, prozedura juridiko bat abiarazi zuen bere semeak gerran sartu aurretik arazo mentalak zituela argudiatuta. Prozeduran, jatorri judutarra zuten David Levy aitaren eta Louis Mardochée[4] semearen izenak aldatuta ageri dira Albert eta Edmond izen berriengatik hurrenez hurren[5].

Bere izen abizen berdinak zeramaten bi emakume ere hil egin zituzten urte batzuk beranduago bigarren mundu gerran, kasu honetan Auschwitzeko kontzentrazio esparruan: Léa Lévy (1943an) eta Juliette Lévy (1944ean), Joseph Lévy eta Anita Vaez Oliveraren alabak zirenak[6]. Juliette Moize Gerard Vaez Oliveraren alarguna zen, Auschwitzeko kontzentrazio esparruan eraila bera ere.

Bera ez ez izan lehen mundu gerran armada uzteaz akusatuta fusilatutako euskaldun bakarra, Izpurako (Baxe Nafarroa) Pierre Etxeberri hilabete batzuk lehenago 1914ko urriaren fusilatu baitzuten ere[7].

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]