Lucía Sainz

Lucía Sainz
	Lucia Sainz WPT Bartzelona 2017ko finalerdietan
Bizitza
Jaiotza	Bartzelona, 1984ko urriaren 5a (39 urte)
Herrialdea	Katalunia
Hezkuntza
Heziketa	California State University, Fresno (en) ; (2002 - 2004)
Hizkuntzak	gaztelania
Jarduerak
Jarduerak	padel player (en) eta tenislaria
Altuera	173 zentimetro
Jasotako sariak	ikusi Dona i Esport Award (2018) ;
	luciasainz.com

Lucía Sainz Pelegri (Bartzelona, Katalunia, 1984ko urriaren 5a)^[1] bartzelonar tenislari ohia eta padel jokalari profesionala da. Profesional gisa 5 urte eman eta gero, 2020ko denboraldian Munduko padeleko lehen postuan sailkatu zen Gemma Triayrekin batera. Bartzelona Masterrean izendatu zen txapelketako MVP. 2019an Bartzelonako kirolari onenaren Dona eta Esport saria jaso zuen.^[2]^[3]

2015 urtetik aurrera padelean profesionalki aritzea erabaki zuen, eta, ordutik, bere ibilbidea arrakastatsua izan da. 2020ko denboraldia munduko padel rankingaren gorenean amaitu zuen.^[4]

2022ko otsailean padel elkartea (IPPA) sortu zen eta Lucía Sainz aukeratu zuten presidente.^[5]

Bizitza[aldatu | aldatu iturburu kodea]

Lucia Sainz Peledri Bartzelonan jaio zen 1984ko urriaren 5ean. Tenisean jokatzen hasi zen 5 urterekin eta 18 urtera arte jardun zuen kirol horretan Bartzelonako R.C. de Polo. Txikitan padel txapelketaren bat jokatu zuen. 18 urterekin Fresnora (AEB) joan zen unibertsitateko taldearekin ikasi eta lehiatzeko beka batekin.^[1]

Kirol bilbidea[aldatu | aldatu iturburu kodea]

AEBko abenturaren ostean, bi urtez aritu zen tenis profesionalean jokatzen, eta garaipen garrantzitsuenak binakakoak izan ziren. 2009ko amaieran tenisa utzi eta 2010ean padelean jokatzen hasi zen, Babolateko teniseko sustatzaile lanarekin batera. 2012an, bere kirol ibilbideari aukera bat ematea erabaki zuen, eta padelean %100ean aritzea.^[1]

Bartzelonako Real Club de Polon hasi zen padela praktikatzen, eta jokatzen zituen txapelketetan nabarmentzen hasi zen. Profesionalki padelean aritzea erabaki zuen, eta harrezkero bere ibilbidea arrakastatsua izan da. 2018. urtea WPT Rankingeko 2. postuan bukatzera iritsi zen.

2014an iritsi zen Master Serieseko finalera, eta, ordutik, rankingean gora egin zuen pixkanaka. 2016ko denboralditik Gemma Triayrekin jokatu du, eta horregatik utzi zuen alderantzizko posizioa drivera mugitzeko. Biek, bost denboralditan, aurrera egin dute, sailkapeneko seigarren postutik 2020ko rankingeko World Padel Tourreko 1. posturaino. 2020ko urte amaieran, bost urtez bikote izan ostean, Gemma Triayk Sainz utzi eta Alejandra Salazarrekin joan zen.^[6] Bea González izan zen Lucía Sainzen bikote berria.^[7]

Padel elkartea[aldatu | aldatu iturburu kodea]

2022ko otsailean, IPPA jokalarien elkartea sortu zen. “Elkarrekin, indartsuago” lelopean. Helburua jokalariak helburu komun batekin elkartzea zen. Lucia Sainz aukeratu zuten elkartearen historian lehen presidente.^[5]