Mariam Gariquli
| Mariam Gariquli | |
|---|---|
 | |
| Bizitza | |
| Jaiotza | Patara Gubi (en)  , 1883ko martxoaren 20a |
| Herrialdea |  Errusiar Inperioa Democratic Republic of Georgia  Sobietar Errepublika Sozialisten Batasuna |
| Heriotza | Tbilisi, 1960ko otsailaren 9a (76 urte) |
| Hobiratze lekua | Didube Pantheon (en) |
| Hezkuntza | |
| Hizkuntzak | georgiera |
| Jarduerak | |
| Jarduerak | idazlea eta aktorea |
  | |
Mariam Tatexvili-Ratiani[1], Mariam Gariquli izengoitiaz ezagunagoa, (georgieraz: მარიამ თათეშვილი-რატიანისა (გარიყული); Patara Gubi, 1883ko apirilaren 2agreg./martxoaren 20ajul. – Tbilisi, 1960ko otsailaren 9a) georgiar idazle eta aktorea izan zen.
Bizitza
[aldatu | aldatu iturburu kodea]Mariam Tatexvili-Ratiani 1883an jaio zen Patara Gubi herrixkan[2]. Gaztetatik georgiar eta errusiar literatura interesatu zitzaion[3].
1902tik 1904ra Kutaisiko antzokian lan egin zuen, eta 1920tik 1926ra Goriko antzokian. Antzerki aktore ibilbidea utzita, Gariquli izengoitia hartu zuen[3], literaturan eta zineman erabili zuena.
1905az geroztik, hainbat egunkari eta aldizkarirentzako ipuinak idatzi zituen, eta Ilia Txavtxavadze eta Akaki Tsereteliren idazlanak antzerkirako moldatu zituen[3]. Bere Azken urteetan, oroitzapen-liburu bat idatzi zuen, Ganvlili gza izenekoa[3][4].
1927az geroztik, Tbilisiko zinema-estudioko filmetan parte hartu zuen[2]. 1955ean Tengiz Abuladze eta Revaz Txkheidzeren Magdanas Lurja filmean paperetako bat interpretatu zuen[5].
Mariam Gariquli Tbilisin hil zen 1960an, eta Didube panteoian hobiratu zuten[2].
Tbilisiko kale batek Mariam Gariquliren izena darama[6].
Erreferentziak
[aldatu | aldatu iturburu kodea]- ↑ Georgieraren eta armenieraren alfabetoetan idatzitako izenak euskarara aldatzeko transkripzio-sistemak. Euskaltzaindia (Noiz kontsultatua: 2024-07-03).
- ↑ a b c (Georgieraz) «მარიამ გარიყული» ბიოგრაფიული ლექსიკონი (Noiz kontsultatua: 2024-07-03).
- ↑ a b c d (Ingelesez) Pirtskhalava, Ekaterine. «Mariam Garikhuli» Heinrich Bӧll Stiftung 2014-02-09 (Noiz kontsultatua: 2024-07-03).
- ↑ (Errusieraz) «Новые книги» Знамя труда (Сланцы) 218 (2974): 3. 1960-11-04.
- ↑ (Ingelesez) «Mariam Garikuli» IMDb (Noiz kontsultatua: 2024-07-03).
- ↑ (Ingelesez) «Find a Postal Code» Georgian Post jatorrizkotik artxibatua (artxibatze data: 2022-01-13) (Noiz kontsultatua: 2024-07-03).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q20556891
Multimedia: Mariam Garikhuli / Q20556891