Marina Lameiro

Marina Lameiro
Bizitza
Jaiotza	Iruñea, 1986 (37/38 urte)
Herrialdea	Nafarroa Garaia, Euskal Herria
Hezkuntza
Heziketa	Juan Carlos Erregea Unibertsitatea ; Pompeu Fabra Unibertsitatea
Hizkuntzak	euskara; gaztelania
Jarduerak
Jarduerak	film-zuzendaria eta zinema ekoizlea
	Parte-hartzailea Tabakalera ;

Marina Lameiro Garayoa (Iruñea, Nafarroa, 1986) zinemagile nafarra da. Young&Beautiful, bere lehen luzemetraiak sari ugari jaso ditu.

Biografia

Ikus-entzunezko Komunikazioan lizentziaduna da Madrilgo URJC unibertsitatean. 2012an Bartzelonako Pompeu Fabra Unibertsitateko Sorkuntza Dokumentaleko Masterra egin zuen eta bertan Victor Kossakovsky eta Marcel Lozinskyrekin lan egiteko aukera izan zuen. Hurrengo urtean muntaketan espezializatu zen, unibertsitate berean gradu-ondoko bat eginez.^[1]

2014 eta 2015 bitartean, New Yorkera joan zen eta UnionDocs espazioan erresidentzia egin zuen beste artista batzuekin batera. Bertan 300 Nassau dokumental laburra zuzendu zuen, gentrifikazioa gai hartuta.^[2]

Garazi Erburu, Ione Atenea eta ahizparekin batera Hiruki Filmak ekoiztetxea sortu zuten beraien filmak txandaka ekoizteko eta bide batez beste emakume batzuei eurenak egiten laguntzeko.^[2]

Young & Beautiful (2018) bere lehen film luzea da, bere belaunaldiko hainbat gazteren erretratua. Filme hau egiteko Marina Lameiro protagonistekin bi urtez egon zen, beti kamera eskuan hartuta momentuei itxaroten. Bere kameraren hurbiltasunarekin, bere egunerokotasunaren unerik argi eta ahulenetan laguntzen die: dantza egitea, elkarrekin esnatzea, paisaia maitatuetatik paseatzea, negar eta barre egitera askatzea, osorik irauteko bideak bilatzen dituzten bitartean.^[3]

2019an zehar Dardara grabatu zuen, Berri Txarrak taldearen eta bere jarraitzaileen inguruko dokumentala. Berri Txarrak-en Ikusi Arte biran filmatutako irudiekin osatutako dokumentala da, eta taldea eta bere musika zer izan diren zaleentzat, eta zaleak zer izan diren taldearentzat eta bere musikarentzat islatzen da. Filmaren ardatz nagusiak taldearen jarraitzaileen sentimentuak, taldearen eta bereziki Gorka Urbizuren hausnarketak, eta noski euren musika izan dira.^[4]

Filmografia

Demonstration (2013, lankidetzan egindako lana)
300 Nassau (2016)
Young & Beautiful (2018)^[5]
Dardara (2021)^[6]
Paraíso (2021) Maddi Barberrekin batera eginda.

Sariak

Feroz Sariak. Izendapena - Dokumentalik onena Young & Beautiful lanagatik
Punto de vista. Publikoaren saria Young & Beautiful lanagatik. Sail Ofiziala Young & Beautiful lanagatik
Atlántida Mallorca Film Fest. Sorkuntza saileko saria Young & Beautiful lanagatik
D´A Film Festival. Bultzada kolektiboaren saria Young & Beautiful lanagatik.
Rizoma Jaialdia. Film onena Young & Beautiful filmagatik
Novos Cinemas. Sari Berezia Young & Beautiful lanagatik
Festival Alcances. Epaimahaiaren aipamen berezia: Young & Beautiful
Festival Márgenes. NUMAX erakusketa saria Young & Beautiful lanagatik.^[1]

Erreferentziak

↑ ^a ^b https://www.filmin.es/directora/marina-lameiro. .
↑ ^a ^b «"Musika dardara da eta bibrazio horrek beste dardara bat eragiten du jendearengan"» Argia (Noiz kontsultatua: 2021-07-12).
↑ «VOD - Young & Beautiful» www.margenes.org (Noiz kontsultatua: 2021-07-12).
↑ Eslava, Ane. «Lurrikara beraren errepliken dardara» Berria (Noiz kontsultatua: 2021-07-12).
↑ Lameiro, Marina. (2017-09-25). Trailer YOUNG & BEAUTIFUL. (Noiz kontsultatua: 2021-07-12).
↑ (Gaztelaniaz) «Hasi» Dardara (Noiz kontsultatua: 2021-07-12).

Kanpo estekak

Datuak: Q107494363

[:1-1] https://www.filmin.es/directora/marina-lameiro. .

[:0-2] «"Musika dardara da eta bibrazio horrek beste dardara bat eragiten du jendearengan"» Argia (Noiz kontsultatua: 2021-07-12).

[3] «VOD - Young & Beautiful» www.margenes.org (Noiz kontsultatua: 2021-07-12).

[4] Eslava, Ane. «Lurrikara beraren errepliken dardara» Berria (Noiz kontsultatua: 2021-07-12).

[5] Lameiro, Marina. (2017-09-25). Trailer YOUNG & BEAUTIFUL. (Noiz kontsultatua: 2021-07-12).

[6] (Gaztelaniaz) «Hasi» Dardara (Noiz kontsultatua: 2021-07-12).

[1]

[2]

[3]

[4]

[5]

[6]