Martiño Rivas
| Martiño Rivas | |
|---|---|
 | |
| Bizitza | |
| Jaiotza | Vimianzo, 1985eko urtarrilaren 10a (39 urte) |
| Herrialdea |  Espainia |
| Familia | |
| Aita | Manuel Rivas |
| Haurrideak | ikusi
|
| Hezkuntza | |
| Heziketa | Santiago de Compostela |
| Hizkuntzak | gaztelania galiziera |
| Jarduerak | |
| Jarduerak | aktorea, modeloa eta telebista-aktorea |
     | |
Martiño Rivas López (Vimianzo, 1985eko urtarrilaren 10a) galiziar aktorea da, garai batean Martín Rivas izenez ezaguna,[1] telebistan eta zineman aritutakoa.
Ibilbidea
[aldatu | aldatu iturburu kodea]Aktore-ibilbidea txikitan hasi zuen TVGko Mareas vivas telesailean. Bertan lan egin zuen 1998tik 2000ra, lehenengo eta hirugarren denboraldietan. 2004an, 24 minutuko Puzzle film laburraren parte hartu zuen. 2005ean, bigarren mailako paper bat izan zuen TVGko Maridos e mulleres telesailaren bi denboraldietan.
Handik estatu-mailako kateetan lan egitera igaro zen. SMS (La Sexta) telesailaren bost ataletan azaldu zen lehenengo. 2007tik 2010era, Marcos Novoa Pazosen papera egin zuen Antena 3ko El Internado seriean eta paper horrek ikusgarritasun handia eman zion Yon González, Ana de Armas, Elena Furiase, Blanca Suárez eta Daniel Retuerta aktoreekin batera, besteak beste. Telesaila 2010ean amaitu zen, 7 denboraldiren ondoren.
2008an, lehen aldiz agertu zen zineman, José Luis Cuerdaren Los girasoles ciegos filmean, Javier Cámara eta Maribel Verdúrekin batera. Antzezpen hark Goya Sarietarako izendapena eman zion, gizonezko errebelazio aktore onenaren sailean. Hurrengo urtean, Universos laburmetraian Blanca Suárez aktorearekin agertu zen berriro. 2011n, antzerkian debuta egin zuen Dracula lanarekin, eta Jonathan Harker-en papera egin zuen.
2013an El don de Alba telesailaren protaganista izan zen Patricia Monterorekin batera. Ghost Whisperer telesail estatubatuarraren egokitzapena da. Urte berean Mediaset Españak ekoitzitako Romeo y Julietan ere protagonista izan zen Alessandra Mastronard aktere italiarrarekin batera. Zineman Tres bodas de más komedia filmean parte hartu zuen, Inma Cuesta eta Quim Gutiérrez aktoreekin batera.
2013ko uztailetik abuztura Por un puñado de besos, filmatu zuen Madrilen berriz ere Ana de Armas aktorearekin batera eta 2014ko maiatzean estreinatu zen.[2]
Bizitza pertsonala
[aldatu | aldatu iturburu kodea]Manolo Rivas galizierazko idazlearen semea da. Londresko institutu batean egin zuen batxilergoa eta ondoren Ikus-entzunezko Komunikazioa ikasi zuen Santiago de Compostelako Unibertsitatean. Antzerkia ere ikasi zuen Espazo Aberto eskolan. Galizieraz, gaztelaniaz eta ingelesez hitz egiten du.[1]
2007an, Los girasoles ciegos filmatzen ari zela, Irene Escolar ezagutu zuen eta bederatzi urteko harremana izan zuen harekin.
2017an harreman bat hasi zuen Kayoko Everhart-ekin eta alaba bat izan zuten harekin.[3]
Filmografia
[aldatu | aldatu iturburu kodea]Telebista
[aldatu | aldatu iturburu kodea]| Telesailak | ||||
|---|---|---|---|---|
| Urtea | Telesaila | Pertsonaia | Telebista katea | Oharra(k) |
| 1998-1999 | Mareas Vivas | Dani | TVG | 20 atal |
| 2005 | Maridos e mulleres | David | TVG | 21 atal |
| 2006 | SMS | Moisés | La Sexta | 5 atal |
| 2007-2010 | El internado | Marcos Novoa Pazos | Antena 3 | 71 atal |
| 2013 | El don de Alba | Pablo Escudero | Telecinco | 13 atal |
| 2014 | Romeo y Julieta | Romeo | Telecinco | Minisaila |
| 2016 | Web Therapy | Mario González | #0 | 2 atal |
| 2017 | Sé quién eres | Marc Castro | Telecinco | 16 atal |
| 2017 – 2020 | Las chicas del cable | Carlos | Netflix | 37 atal |
| 2022 | Fuerza de paz | Ignacio Moreno | La 1 | 8 atal |
| 2023 | Nacho | Nacho Vidal | Atresplayer | |
Zinema
[aldatu | aldatu iturburu kodea]| Filmak | |||
|---|---|---|---|
| Urtea | Filma | Pertsonaia | Oharra(k) |
| 2004 | Puzzle | - | Film labur |
| 2008 | Los girasoles ciegos | Lalo | |
| 2009 | Universos | Alex | Film labur |
| 2013 | 3 bodas de más | Dani | |
| 2014 | Por un puñado de besos | Dani | |
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q2977184
Multimedia: Martiño Rivas / Q2977184
  |
Artikulu hau Galiziako biografia baten zirriborroa da. Wikipedia lagun dezakezu edukia osatuz. |
- ↑ a b (Gaztelaniaz) Pontevedra, Silvia R.. (2007-06-15). «Martín Rivas nació en un café» El País ISSN 1134-6582. (Noiz kontsultatua: 2023-02-19).
- ↑ «Pantaila handian bueltan da 'Godzilla'» EITB (Noiz kontsultatua: 2023-02-19).
- ↑ (Gaztelaniaz) «La foto de Martiño Rivas con su hija de dos años» Novamas 2021-06-28 (Noiz kontsultatua: 2023-02-19).