Mendizorrotz

Wikipedia, Entziklopedia askea
Jump to navigation Jump to search
Mendizorrotz
Mendizorrotz 001.jpg
Datu orokorrak
Garaiera 415 m
Geografia
Koordenatuak 43° 17′ 55″ N, 2° 03′ 55″ W / 43.29861111°N,2.06527778°W / 43.29861111; -2.06527778Koordenatuak: 43° 17′ 55″ N, 2° 03′ 55″ W / 43.29861111°N,2.06527778°W / 43.29861111; -2.06527778
Herrialdea Euskal Herria
Mendikatea Mendizorrotzeko mendilerroa
Herrialdea Espainia
Lurraldea Gipuzkoa
Mendizaletasuna
Ohiko bidea Donostiatik

Mendizorrotz Gipuzkoako iparraldean dagoen mendia da, Donostia eta Orio artean, Igeldotik gertu. Arratzain (341m) eta Kukuarri (377m) mendiekin batera, Urumea eta Oria ibaien bokaleak bereizten dituen mendilerroan dago. Mendiko magalak itsasertzeraino luzatzen dira, itsaslabar amiltsuetan bukatuz.

Historia[aldatu | aldatu iturburu kodea]

Gailurretik gertu gotorleku baten aztarnak ikus daitezke, erreferentzia zenbaiten arabera jatorria XIII. mendean duena, Castillo de Monte Agudo izenarekin (Mendizorrotz izenaren gaztelaniazko itzulpen literala). Ziurra da, gainera, Karlistaldietan gotorleku bat eraiki zela bertan. Inguruetan Iturrieta eta Arrozibarko dolmenak eta cromlech (Mendizorrotz I eta Artzate izenekoak) eta tumulu zenbaiten (Tontortxiki I, II, II eta IV) aztarnak ere badaude. Espainiako Gerra Zibilean, lubaki zenbait eraiki ziren mendian, egun ere ikus daitezkeenak.[1] Garai hartakoa da, gainera, gailurretik gertu 1941 urtean agintari frankistek eraikitako monumentua, Mendizorrotzen 1936ko irailaren 13an, Donostian tropa frankistek hartu zuten egunean bertan, hildako Errekete teniente Jose Manuel Gorospe Echeberriaren omenezkoa. Monumentua erasotua izan zen hurrengo urteetan eta 1951 urtean konpondu behar izan zuten. Egun monumentua osatzen zuen gurutzea eta beste zenbait aztarna ikus daitezke.[2]

Igoera[aldatu | aldatu iturburu kodea]

Igeldo auzotik aise igotzen da mendira, Orioraino doan errepidetik eta Polipaso baserriaren inguruetan mendi-bide bat hartuz.

Iruditegia[aldatu | aldatu iturburu kodea]

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Mendizorrotz Aldatu lotura Wikidatan
Euskarazko Wikipedian bada atari bat, gai hau duena:
Euskal Wikiatlasa